Drim òr (06/10), Sở Thông tin mờ Truyền thông càr Dăk Lăk pơgồp bal mờ Ủy ƀan Ñân zân kơnhoàl Cư Kuiñ sơnđờm mŭt lơh Ràng tơlik ntrờn làm bă tiah “Hoàng Sa, Trường Sa bơh lơgar Việt Nam dê- Ală cơng tàng kah yau mờ adat boh lam”. Do là ràng tơlik ntrờn làm bă tiah dơ̆ 06 geh lơh tàm ală tiah tàm càr Dăk Lăk dê. Mpồl bơyai lơh neh ràng tơlik mờ yal tơngĭt ală sră nggal kwơ lời kir kwơmàng bơh Ƀộ Thông tin mờ Truyền thông dê ai, mờ 6 tơngume, ală rùp hin, sră nggal kwơ lời kir bồt Hoàng Sa lài mờ nam 1975.

Bàr pe rùp hin bè bồt Trường Sa tŭ do mờ ală broă lơh bơh ală kwang bàng, cau ling tàm mpồl ling dà lềng, làng bol tàm bồt Trường Sa. Di tàm dơ̆ do, rlau 1 rbô 600 nă kơnòm bơsram Hìu bơsram Kâp pe Y Jút mờ gal ngan làng bol tàm kơnhoàl Cư Kuiñ neh lòt sền, lùp mờ gĭt loh rlau bè gơnoar tờm ù tiah dà lềng bồt bơlào, kwơmàng là 2 bồt Hoàng Sa mờ Trường Sa gơ wèt gơnoar tờm ù tiah lơgar Việt Nam dê.