Ràng tơlik mìng dùl tơngume Pin dờn duh kah Bơtau Hùng mờ đơs Xoan Phú Thọ tàm càr Dăk Lăk
Thứ tư, 13:32, 04/10/2023
Cau mblàng Lơ Mu K' Yến/VOV Tây Nguyên
Cau mblàng Lơ Mu K' Yến/VOV Tây Nguyên
VOV4.K’Ho- Drim ngai 03/10, tàm ƀòn dờng Buôn Ma Thuột, Ƀảo tàng Hùng Vương càr Phú Thọ pơgồp bal mờ Bảo tàng càr Dăk Lăk bơyai lơh sơnđờm ràng tơlik mìng dùl tơngume “Phan lời wơl niam chài ờ di mờ phan bơna ala măt bơh kòn bơnus gùt dunia dê- Pin dờn duh kah Bơtau Hùng mờ đơs Xoan Phú Thọ”.
Tơngume mìng dùl lơm do tàm càr Dăk Lăk geh lơh bơh tŭ do tus jơh ngai 03/12, ràng tơlik 31 bơta rùp, pano mờ phan geh ngan, phan ơn pơdơng pơnrơ ngan nàng yal tơngĭt mờ cau năc sền in bal mờ năc lòt nhơl tàm càr Dăk Lăk in.
Mờ tàm poh sơnrờp do kung geh lơh ràng tơlik sơl, mpồl mờr 20 nă kwang bàng cau lơh broă bơh Ƀảo tàng Hùng Vương càr Phú Thọ dê rơ̆p geh mat tàm Ƀảo tàng càr Dăk Lăk nàng đơs ală jơnau đơs Xoan yau drơng ai ală mpồl cau năc lòt nhơl in sền. Bơh hơ̆, mblàng yal, yal tơngĭt jrô ơnàng làm uă phan lời wơl niam chài, phan bơna lòt nhơl pơnrơ is ngan bơh càr Phú Thọ dê.
Viết bình luận