Ràng tơlik phan yau, phan ngui lơh broă làng bol Tây Nguyên dê
Thứ tư, 07:46, 06/12/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Drim òr (05/12), tàm ƀlàng dờng Đại Đoàn Kết, ƀòn dờng Pleiku, UɃÑZ càr Gia Lai bơyai lơh sơnđờm Broă lơh “Bơta niam Tây Nguyên-Gia Lai”.
Geh bơyai lơh tus jơh ngai 31 nhai 12 nam 2024, Broă lơh do nàng yal tus mờ cau sền bơh git nđờ rơbô phan yau, phan ngui, phan ngui lơh broă bơh làng bol Tây Nguyên dê geh cau jòi phan yau Đặng Minh Tâm kơlôi sơnơng, jòi geh.
Ală phan yau geh ràng tơlik geh lơh 6 mpồl, tàm hơ̆ geh: Phan uh, phan teh đơs crih tamya, phan lòt ting lòt pang, phan pĭc, phan tàñ, phan lơh yàng, phan bơka să mờ ală phan ndai tai tàm rài kis làng bol kòn cau Tây Nguyên dê. Ală phan do geh ràng jăt broă lơh prăp gàr pờ, cau năc geh tus sền, lùp sền mờ cau yal tơngit bè ală bơta phan ràng. Kung tàm tơngai geh bơyai lơh do, ală phan geh bơtơl lơh pa bơh broă jòi geh rơlao 30 rơbô nơm phan yau Tây Nguyên dê bơh cau jòi phan yau jòi geh Đặng Minh Tâm dê.
Viết bình luận