Geh bơyai lơh bơh tŭ do tus jơh ngai 31 nhai 12 nam 2024, ràng tơlik geh 2 tơngu me, tàm hơ̆ geh “ală cồng nha lơh sa mpồl bơtiàn càr Dăk Lăk dê tơnơ̆ 120 nam” mờ “Ñrùh Hai-Phan lời wơl tàm dà dờng Ea Hleo dê”.

Tàm hơ̆, tơngu me ală cồng nha lơh sa mpồl bơtiàn ràng tơlik rơlao 200 pang rùp, pang sră bè broă crơng gơs mờ bơtàu tơnguh càr Dăk Lăk dê bơh ală rài lài do, mờ tàm tơngai 80 nam bơ̆t bơtàu mờ dờng pràn bơh mpồl ling klàng càr Dăk Lăk dê. Do là cơng tàng mùl màl, yal bè broă bơ̆t bơtàu càr Dăk Lăk, bơh ù tiah gam brê bơnơm bè ờs, rơƀah rơƀừp neh brồ să pràn kơl dang, gơs dùl càr bơtàu tơnguh tơl ngui tơl sa tàm tiah Tây Nguyên mờ gùt lơgar dê. Tơngu me ràng tơlik rùp Sề khoàng lŭ Ñrùh Hai, là phan kwơ dà lơgar dê sơnrờp ngan càr Dăk Lăk geh dờp, sơlơ ai tơngŏ ală bơta kwơ bè rài lài do, bơta niam chài rài lài do bơtàu tơnguh càr Dăk Lăk dê.