Mờ tơngu me “Tơrbŏ bal niam chài”, ràng tơlik yal tus cau sền 100 pang rùp bơh ală cau chài kŭp rùp lơgar Việt Nam mờ lơgar Hàn Quốk dê. Tàm hơ̆, geh tus 60 pang rùp bơh ală cau chài kŭp rùp lơgar Hàn Quốk yal bè bơta niam ù tiah geh is, niam chài mờ kòn bơnus lơgar Hàn Quốk dê; 40 pang rùp bơh ală cau chài kŭp rùp lơgar Việt Nam tơrgùm geh uă tàm ù tiah niam, rài kis niam chài mờ tam gơl pa bơh ù tiah càr Dăk Lăk đơs is mờ Tây Nguyên đơs bal.

Jăt ồng Hồ Sỹ Minh, Phó Củ tịc duh broă sùm Mpồl Cau chài kŭp rùp Việt Nam đơs, ràng tơlik do là broă lơh kwơ màng ngan tàm mpồl tìp bal niam chài đah ală cau chài kŭp rùp bàr lơgar dê, pơgồp bal tàm broă lơh niam bơnĕ rơlao bơta git gơ̆p Tam klăc bal jŏ jòng tơl ală bơta đah lơgar Việt Nam mờ lơgar Hàn Quốk dê.