Ràng tơlik rùp yal tơngĭt uă ù tiah brê bơnơm, niam chài Gia Lai
Thứ tư, 06:00, 20/05/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Tàm Hìu ơn prap phan kwơ yau càr Gia Lai gam bơyai lơh ràng tơlik rùp mờ tơngume “Gia Lai – Bơh brê bơnơm dờng ơning ơnàng tus dà lềng tơlir”, lơh jat tơngkah kir sơnrai 136 nam Ngai deh Củ tịc Hồ Chí Minh mờ Ngai Ală lơgar Hìu ơn prap phan kwơ yau.
Geh bơyai kơh bơh ngai 18 tus ngai 22/5, ràng tơlik yal tơngĭt 148 nơm rùp bơh 5 tơngume geh ù tiah brê bơnơm, phan lời wơl, mpồl bơtiàn ală jơi bơtiàn, phan sa mờ lòt nhơl sền gĭt. Ală rùp cih yal niam ngan bè bơta niam bơnĕ ù tiah brê bơnơm, kah yau, niam chài mờ cau Gia Lai dê tàm tơngai bơtàu tơnguh pa.
Mờ bă ù ơnàng rlau 21 rơbô kơi sồ vuông mờ khà kờp làng bol rlau 3 tơlak 500 rơbô nă cau, Gia Lai geh đơs geh uă bơta ƀuơn bơtàu tơnguh kơnờm brê bơnơm li la, bềng bơhiàn niam chài is. Ràng tơlik pơgồp bơnah yal tơngĭt uă rùp hin càr dê rềp mềr, gơ kờñ, mơkung wèt tus jơnau kờñ prap gàr mờ ngui niam bơta kwơ phan lời wơl niam chài pơgồp bal mờ bơtàu tơnguh lòt nhơl kơnhăp kơ̆.
Viết bình luận