Mờ tơngume “Sền gĭt Niam chài- lòt sền brê bơnơm geh is”, broă lơh niam chài do geh ală broă lơh niam ngan. Pơn rơ ngan là dơ̆ lơh chờ gùng drà mờ rlau 1 rơbô nă cau đơs crih tam ya, cau chài, kơnòm bơsram tus bal; Pơrlòng cing mồng, tam ya xoang mờ tơngume “Mpoong ntas gùng cing brê bơnơm dờng ơning ơnàng” geh rlau 600 nă cau chài tus bal.

Di dơ̆ do, kung geh bơyai lơh broă lơh hòi jà, yal tơngĭt lòt nhơl, lòt sền, sền gĭt lòt nhơl, tiah lòt nhơl tàm ù tiah càr dê; pơrlòng bơceh trŭ gơm phan sa lòt nhơl Kon Tum mờ tơngume “Bơkah ngan tiah kơh bơnơm dê”; yal Rơdăp ù tiah bal bơt bơtàu Tiah lòt nhơl Măng Đen tus nam 2045; đơs wơl cồng nha lơh broă bal bơtàu tơnguh lòt nhơl mờ 3 càr tiah đah Jum dà lơgar Lào dê, geh: Attapư, Sêkông mờ Salavan.