Pơrlòng geh bơyai lơh bơh ngai 11 tus 15 nhai 5 tàm ƀlàng coh plai Pleiku Arena mờ Anih tờm Bơto tàp pràn să jan Hàm Rồng, tơrgùm 12 mpồl coh plai. Tàm hơ̆ geh 7 mpồl tus bơh ală lơgar Hàn Quốk, Ñờk, Lo, Lào, Malaysia bal mờ 5 mpồl coh plai tàm lơgar, tàm hơ̆ geh PVF, Hà Nội T$T, Sông Lam Nghệ An, Trường Tươi Bình Phước mờ LPBank Hoàng Anh Gia Lai.

Đơs tàm dơ̆ sơn đờm, ồng Phạm Anh Tuấn, Củ tịc Anih duh broă Làng bol càr Gia Lai pà git, Festival Coh plai kơnòm dềt Ală lơgar – Gia Lai 2026 mờ broă tus bal bơh ală mpồl coh plài pràn tàm lơgar mờ ală lơgar dê tàm sơnam 14 neh ai tơngŏ bơta gơhòi gơjà bơh broă lơh do dê; mờ ai tơngŏ broă lơh ngan bơh càr dê gam rơhời bơ̆t bơtàu dùl anih tus niam bơnĕ ai ală broă lơh tàp pràn să jan mờ lòt nhơl geh khà dà lơgar mờ ală lơgar dê.