Broă lơh do nàng pơn jờng, yal ală anih tus, ală phan bơna lòt nhơl tàm kàl hàm Hà Nội. Festival geh bal ală broă lơh: “Bơta niam kàl hàm”, “Bơta bơkah kàl hàm”, “Phan pà kàl hàm”, Suơn bơta àng” mờ ală hìu ràng phan, hìu tăc phan, tiah dềt niam, yal ală anih tus lòt nhơl Hà Nội niam tàm kàl Hàm bè rơƀàng Long Biên, ƀòn yau Hà Nội, hìu phờk Một Cột, ƀòn bơkào Mê Linh, ƀòn yau Đường Lâm.

Tàm hơ̆ geh bal ală hìu ràng tăc phan lơh bè Phố Phái tàm ƀòn Lê Thạch, gùng tăc phan sa Tạ Hiện... Di tàm dơ̆ do, ƀòn dờng Hà Nội kung bơyai lơh Tiah ràng tơlik nàng yal phan sa tàm Cung Thiếu nhi Hà Nội. Mờ tơngu me “Bơta niam phan sa Việt Nam”, Tiah ràng tăc phan sa tơrgùm 51 hìu bơh ală mpồl broă lơh, cau chài, mpồl lơh sa kă bro, hìu tăc phan sa geh pơnrơ ngan càr lơgar Hà Nội mờ uă tiah tàm gùt lơgar dê.