Bơta tờm bơh broă lơh dê là bơhiàn sòl pơnđàng  sơm pòl ồs bal mờ broă lơh đơs crih tamya “Võ bơhiàn yau Việt Nam - Bơta niam àng gơ crà”, jờng rơ bơta kuơ võ jơi bơtiàn mờ yal tơnggit rùp să Gia Lai tơnơ̆ tơmut bal. 

Đơs sơn đờm mut lơh, ồng Phạm Anh Tuấn, Chủ tịch Anih duh broă Làng bol càr Gia Lai đơs nền, pơrlòng là dơ̆ nàng ală cau pơlam tàp võ, cau bơsram võ tàm lơgar mờ bơdìh lơgar tìp mat lơh kwèng, lơh gơ rề bơta niam crih crài võ bơhiàn yau Việt Nam. Càr Gia Lai rơp pơn jat tai prap gàr, lơh niam võ bơhiàn yau pơgồp bal mờ niam chài, bơto bơsram, tàp pràn să jan mờ lòt nhơl, pơgồp bơnah yal tơnggit rùp hin ù tiah “brê bơnơm dờng ơning ơnàng tàm tìp mờ dà lềng tơlir” mờ pơyua jơna đơs bè dùl Việt Nam gơboh ring lơngai, ki ngàm niam chài, rề ơnàng lơh broă bal mờ gơp bơyô ală lơgar.