Mờ tơngu me “Sră: Jơnau git wă – Tam gơl pa – Bơceh pa”, Ngai sră mờ bơta niam chài sền sră nam 2023 tàm càr Dăk Lăk geh bơyai lơh bơh ngai 15 nhai 04 tus jơh ngai 01 nhai 05 tus do mờ uă broă lơh niam bơnĕ ngan bè: ràng tơlik sră jăt tơngu me; cri bơyai, yal sră; tă pơgồp sră mờ phan sền pà ai kơnòm dềt geh rài kis rơƀah in; pà sră mờ tùh sră ai ală hìu bơsram, thư viện tàm ală tiah ngài in; bơyai lơh Ngai chờ sră, ngai chờ sền sră ờ sa priă tàm ală tiah...

Bơh tŭ hơ̆, yal bè ù tiah, kòn bơnus càr Dăk Lăk; yal bơta geh, bơta pràn mờ rài lài do niam chài Tây Nguyên dê, pơn jờng tơnguh bơtàu bơta niam chài sền sră. Bal mờ hơ̆ gam geh ală broă lơh dờp bal bè ràng tơlik rùp, rùp niam, phan STEM, kơnòm dềt wăc rùp; tìp bal kờ vưa; ƀlàng nhơl wăc, sềr rùp.