Ală broă lơh niam chài, tàp pràn să jan mờ lòt nhơl tàm tơngume Ngai chờ Niam chài, tàp pràn să jan mờ lòt nhơl ală jơi bơtiàn tàm tiah Tây Nguyên dơ̆ 1 nam 2023 mờ bơta tus bal bơh rlau 600 nă cau chài, cau chài lơh làng bol mờ cau tàm pơrlòng tàm 5 càr tàm tiah Tây Nguyên.

Tàm ngai lơh chờ geh uă broă lơh, bè: dơ̆ pơrlòng niam chài đơs crih tam ya làng bol, dơ̆ ràng tơlik phan soh kòn cau bơh yau lơh tơngŏ yal tơngĭt gơl dơ̆ lơh chờ bơhiàn rài kis pah ngai niam chài bơh yau jơi bơtiàn dê; ràng tơlik yal tơngĭt bơta niam chài bơh yau ală tiah dê; ràng tơlik rùp niam bè “Bơta niam bơnĕ niam chài ală jơi bơtiàn dồ ết nă cau tàm tiah Tây Nguyên lòt bal mờ bơta bơtàu tơnguh bơh Dà lơgar dê’; ràng tơlik lơh gơlik mờ yal tơngĭt phan sa; ràng tơlik “Bơta mùl gŏ ngan niam chài ală jơi bơtiàn Tây Nguyên tàm mpồl bơtiàn niam chài ală jơi bơtiàn Việt Nam dê”, ală broă lơh tàp pràn să jan mờ nhơl chờ lơh rài bồ tơngoh bơh yau mờ broă lơh hòi jà yal tơngĭt lòt nhơl.