Sơnđờm mut lơh sàl bơceh wăc sềr rùp bè Mpồl ling phàu crong tàm ƀòn dờng Dà Làc
Thứ ba, 08:33, 18/04/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Drim ngai (17/4), tàm ƀòn dờng Dà Làc, càr Lâm Đồng, Bảo tàng kah yau Mpồl ling klàng lơgar Việt Nam neh sơnđờm mut lơh sàl bơceh wăc sềr rùp mờ tơngume Mpồl ling phàu crong - tam lơh kăc màng nam 2023.
Tus bal sàl bơceh wăc sềr rùp geh 16 nă cau wăc sềr rùp, là cau tàm Mpồl wăc sềr rùp lơgar Việt Nam dê. Tơngume wăc sềr rùp tơrgùm yal bè nùs nhơm kờñ gơboh dà lơgar, nùs nhơm jơh nùs sền gàr lơngap lơngai is gơnoar tờm, tơl làm kơnhoàl ù tiah bơh Dà lơgar dê; cih yal ală broă lơh bơh Mpồl ling dê tàm bơta pa tàm jơh ală gah broă lơh...
Jat Đại tá ồng Đinh Xuân Hòa, Phó Kwang atbồ Bảo tàng kah yau Mpồl ling klàng lơgar Việt Nam yal, do là broă lơh geh gơtha ngan ngồn, pơgồp bơnah mblàng yal ală tă pơgồp bơh gùt Đảng, gùt làng bol, gùt mpồl ling klàng he dê tàm broă lơh bơt bơtàu mờ bơtàu tơnguh Dà lơgar, bơt bơtàu Mpồl ling klàng kơ̆ kơl jap, pràn kơl dang bè cíñ trị. Sàl bơceh wac sềr rùp kờp dŭ jŏ jòng tus jơh ngai 28 nhai 4 tus.
Viết bình luận