Tàm sơnah ƀòn Buôn Ma Thuột, càr Dăk Lăk, Mpồl duh broă Lý luận dà lơgar pơgồp bal mờ Mpồl niam chài cih sră càr bơyai lơh tìp mat cribơyai “Niam chài cih sră ală jơi bơtiàn dồ êt nă cau tàm Tây Nguyên – Bơta geh ngan mờ gùng dà bơtàu tơnguh”. Ală cau ala mat đơs nền, Tây Nguyên là ù tiah ơm kis bơh uă jơi bơtiàn dê bal mờ ală phan lời wơl niam chài li la, krơi is ngan; uă mpồl bơtiàn kung gam prap gàr dà đơs, akhar cih, phan soh mờ bơhiàn lơh yàng ờs mờng. Bulah bè hơ̆, tàm tŭ tơngai gơ tàm bơrlŭ bal, tam gơl niam chài gơlik geh mhar, uă bơta kuơ niam chài digơlan pơhìn gơtìp roh huĭ den tàng broă prap gàr kờñ pal gơ jat bal mờ broă lơh lòt nhơl, lơh geh broă lơh kơnhăp kơ̆ ai làng bol in. Uă jơnau đơs đơs là, cau lơh broă gah niam chài cih sră bè jơi bơtiàn dồ êt nă cau gam dồ êt, broă dong kờl ờ hềt ndrờm pal, broă lơh mblàng yal jơnau geh tŭ gam ờ hềt di. Dơ̆ tìp mat cribơyai dong đal git loh rlau bơta geh ngan, pơgồp bơnah lam lơh jat jơnau lơh nền tàm pơrjum bơh Đảng dê bè bơt bơtàu niam chài, wèt tus ală bơta kuơ kơnhăp kơ̆, bềng lìu bơta niam chài.