Tơn jơh Tơngleh Niam chài- Lòt nhơl Gia Lai nam 2023
Thứ hai, 14:16, 20/11/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Tơnơ̆ rlau 1 poh geh bơyai lơh ală broă lơh duh hồl ngan mờ cèng bềng bơhiàn niam chài niam bơnĕ ngan, Tơngleh Niam chài– Lòt nhơl càr Gia Lai nam 2023 neh tơn jơh mờ dơ̆ tơn jơh geh bơyai lơh mang ngai 19/11.
Tơngleh Niam chài-Lòt nhơl Gia Lai nam 2023 geh tơngume “Gia Lai-Ală bơhiàn niam chài niam bơnĕ ngan”, mờ uă broă lơh niam chài, lòt nhơl niam ngan. Tàm hơ̆ geh dơ̆ tàm pơrlòng ràng tơlik phan lời wơl niam chài ờ di phan bơna Ù tiah Niam chài Cing mồng Tây Nguyên, mờ rlau 1 rơbô 300 nă cau chài bơh 5 càr Tây Nguyên dê.
Tơngleh Niam chài - Lòt nhơl Gia Lai nam 2023 geh bơyai lơh niam ngan, dờng ngan, tơngŏ nùs nhơm jơh nùs cíñ trị bơh càr Gia Lai dê tàm broă tơnguh uă bơta kwơ phan lời wơl Ù tiah niam chài cing mồng Tây Nguyên dê neh geh UNESCO jờng rơ tus tàm gơnoar broă pa, mơkung là tềl tơngŏ niam ngan tàm broă hòi jà mờ bơtàu tơnguh lòt nhơl bơh càr Gia Lai dê tàm tơngai tus.
Viết bình luận