Tơrgùm yal tơngĭt mat kă bro Dà Làc càr Lâm Đồng bơh dơ̆ tàm pơrlòng lơma
Thứ tư, 08:33, 15/11/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Dùl poh tai, tàm ƀòn dờng Dà Làc rơ̆p ngan ngồn geh bơyai lơh Dơ̆ pơrlòng lơma Việt Nam dơ̆ 23. Càr Lâm Đồng sền do là broă lơh kwơ màng, là dơ̆ nàng ƀòn dờng in yal tơngĭt rùp hin, bơta ƀuơn bơta pràn bơh he dê tus mờ năc lòt nhơl.
Làng bol, cau tus dền pơn jat tai chờ hờp ngan wă rò mờ sền ală lơma pa niam ngan bơh lơma Việt Nam dê tàm dơ̆ pơrlòng lơma dơ̆ 23 geh bơyai lơh tàm ƀòn dờng Dà Làc bơh ngai 21 tus ngai 25 nhai 11 do.
Jat Phó Củ tịc Ủy ƀan Ñân zân càr Lâm Đồng, mơkung là Kwang atbồ Mpồl đơng lam lơma Việt Nam dơ̆ 23 Phạm S yal, dơ̆ sơnrờp ƀòn dờng drơng lơh pơrlòng lơma, di tòm mờ dơ̆ ƀòn dờng Dà Làc gờm chờ 130 nam Ngai crơng gơs mờ bơtàu tơnguh den tàng rơ̆p gơ hòi gơ jà dùl mpồl dờng ngan năc lòt nhơl tus sền. Do là tŭ tơngai niam, ƀuơn ngan nàng càr Lâm Đồng in yal mờ yal tơngĭt tus mờ năc lòt nhơl, gơ̆p bơyô tàm lơgar mờ tàm dunia in bè ală bơta ƀuơn bơta pràn bơh he dê, tàm hơ̆ geh gah lơma.
Viết bình luận