Tàm tŭ 6 jơ 30 phuk mang, jat jơ tiah do, dơ̆ mut lơh dar dut ndơl dơ̆ pơrlòng coh plai cau ùr dunia (FIFA World Cup cau ùr nam 2023) geh lơh tàm ƀlàng coh plai Eden Park tàm ƀòn dờng Auckland, lơgar New Zealand. Bơta tờm bơh dơ̆ mut lơh dê là dơ̆ đơs crih bal bơh cau bơceh jơnau đơs crih lơgar Australia mờ nghệ sĩ cau New Zealand mờ jơnau đơs crih “Do it again”- do là jơnau đơs crih ngan ngồn bơh World Cup cau ùr nam 2023 dê. Tơnơ̆ dơ̆ mut lơh mờr 30 phuk, geh lơh dơ̆ tàm coh pơrlòng sơn rờp đah mpồl coh plai cau ùr New Zealand tìp mờ mpồl coh plai cau ùr Na Uy.

Ờ mìng is New Zealand, Australia kung là lơgar tờm lơh bal bơh dơ̆ pơrlòng nam do dê. FIFA World Cup cau ùr nam 2023 rơp geh 64 dơ̆ coh pơrlòng, geh lơh tàm 9 ƀòn dờng tàm New Zealand mờ Australia. Nam do kung là dơ̆ sơn rờp, dơ̆ pơrlòng ge khà mpồl coh plai tus bal uă ngan rlau jơh, mờ 32 mpồl bal mờ 8 mpồl coh plai cau ùr sơn rờp geh tus bal tàm hơ̆ geh Haiti, Morocco, Panama, Philippines, Bồ Đào Nha, lơgar Kộng hòa Ireland, Zambia mờ Việt Nam.