VOV4.K’Ho- Mò Ben (kòn cau Sơdàng), ơm tàm ƀòn Kon H’Ring, xã Ea H’Đing, kơnhoàl Cư Mgar, càr Dăk Lăk là cau kờñ ngan mờ broă tàñ ồi yau. Ală phan bơna bơh mò dê tàñ geh làng bol tàm ƀòn kờñ ngan. Uă cau ơm tiah ngài kung tus nàng blơi sơl. Rlau mờ hơ̆, mò Ben gam bơto bơtê wơl broă tàñ ồi yau ai oh kòn kòn sau tàm hìu bơnhă in.

VOV4.K'Ho - Nam 2022, đơs tòng bơr cau Rơđê tàm kơnhoàl Cư Mgar, càr Dăk Lăk dê geh Ƀộ Văn hóa, Thể thao mờ Zu lịc tơmut tàm mat phan lời wơl niam chài ờ di phan bơna dà lơgar. Gơwèt mờ cau Rơđê, đơs tòng bơr là bơta jơnau cih mblàng wơl mờ bơr niam ngan. Gơ lơh gơs bơh bồ tơngoh jak, prap gàr wơl bơh uă rài, bơtàu tơnguh pràn ngan tàm mpồl bơtiàn.

VOV4.K’Ho- Drim òr (03/02), tàm Gùng sră kơphe Buôn Ma Thuột, Mpồl Văn họk Nghệ thuật càr Dăk Lăk pơgồp bal mờ Sở Văn hoá, Thể thao mờ Zu lịc càr bơyai lơh Ngai jơnau nrĭ Việt Nam dơ̆ 21, nam 2023 mờ tơngu me “Ƀòn dờng kơphe bal mờ săp tamya pa”.

VOV4.K’Ho- Drim ngai 02/02, càr Kon Tum mut lơh Chờ ƀăo nam pa mờ sền git niam chài bơh yau Nam pa Quý mão 2023.

VOV4.K’Ho- Mang òr (01/02), kơnhoàl Văn Yên, càr Yên Bái neh bơyai lơh Pơrjum yal kơrnoăt cih măt “Lơh chờ Đền Đông Cuông, kơnhoàl Văn Yên, càr Yên Bái” tàm khà măt Phan lời wơl niam chài ờ di phan bơna dà lơgar dê.

VOV4.K'Ho- Ală ngai do, tàm ală tiah tàm càr Dăk Lăk geh lơh uă broă lơh niam chài, lơh chờ bơh ală jơi bơtiàn kòn cau dê, lơh gơlik bơta li la niam chài jơi bơtiàn kòn cau tàm ù tiah tờm bơh Tây Nguyên dê.

VOV4.K'Ho - Bơh yô yau, đơs tàm sơrbŏ jơnau neh geh tàm rài kis bơh cau Rơđê dê, hơ̆ là bơta tơrgùm bồ tơngoh jak bơh yau mờ neh geh mblàng wơl bơh rài do tus rài ndai. Đơs tàm sơrbŏ jơnau tàm ală jơnau yal khan bơh ală nghệ ñân dê kềng bơnhă ồs, tàm ală broă lơh yàng rài kis, lơh yàng dà mbòr halà lơh yàng ñô lir bông…

VOV4.K’Ho- Mờ bơta kơ̆p kờñ pơgồp bơnah prăp gàr, yal tơngĭt bơta niam chài ồi yau mờ broă tàñ ồi yau cau Jrai dê, tàm uă nam do, bi Rơ Mah H’Tuyết ơm tàm thị trấn Phú Thiện, kơnhoàl Phú Thiện, càr Gia Lai neh tàñ gơs ală phan soh kòn cau jăt ồi àu rài pa, mờ ngui internet mpồl bơtiàn nàng ai phan bơna tăc tàm drà.

VOV4.K’Ho- Di dơ̆ sa tềp bơhiàn dà lơgar dê nam do, càr Dăk Lăk neh wă rò rlau 130 rbô nă năc lòt nhơl bơh tàm lơgar mờ bơdìh lơgar tus còp, ơm rlô, lòt nhơl bồ sơnam pa.

VOV4.K’Ho- Bơh bồ nam 2022, Ƀộ Văn hóa- Thể thao mờ Zu lịc neh bơyai lơh dơ̆ lam lơh tơngume broă lơh nam 2022 bơh Gah Văn hóa- Thể thao mờ Zu lịc dê: “Bơt bơtàu tiah kis niam chài kâp hơ đơm mờ broă lơh rơndap kwang bàng”.