VOV4.K’ho - Drim òr (09/1), tàm hìu Quốc hội, Văn phòng Quốc hội bơyai lơh pơrjum tơn jơh broă lơh nam 2018 mờ lơh jăt kơnòl nam 2019.

Nam 2019 là nam geh uă kơnòl kuơ màng kờ` wèt tus lơh geh cồng nha ală khà broă, kơnòl rơndăp broă 5 nam bơh nam 2016 tus 2020, den tàng pal geh jơh ală gah, mpồl lơh broă lơh ngan jơh pràn, mhar, nền nòn mờ bơceh pa kờ` geh jăt mờ khà broă tơnguh lơh sa uă rơlao mờ nam 2018.

Bal mờ ală anih lơh broă ndai tàm mpồl lơh broă dà lơgar, Quốc hội pal pơn jăt tai lơh ngan, lơh gơs niam gơnoar să tòm.

Là anih lơh broă pơlam, dong broă Quốc hội dê, Chủ tịch Quốc hội mò Nguyễn Thị Kim Ngân sồr, Văn phòng Quốc hội pơn jăt tai tam gơl pa, lơh niam pràn kơl dang rơlao broă pơlam, drơng broă lơh Quốc hội tàm ală gah broă lơh adăt boh lam, sền gròi mờ ai tơl^k ală broă kuơ màng dà lơgar.

Cau mblàng Ndong Brawl