VOV4.K’ho- Tàm hìu lơh broă Bộ Y tế geh lơh dơ̆ dờp 250 rbô 800 ding sơnơm vaccine bơh lơgar Czech dong kờl ai Việt Nam in nàng rơcang sơndră kòp Covid-19. Ala mat Chính phủ Việt Nam, Thứ trưởng Bộ Y tế ồng Trương Quốc Cường pơyua jơnau ưn ngài jơh nùs tus ală kuang đơng lam bồ, Chính phủ mờ làng bol lơgar Czech neh pà 250 rbô 800 ding sơnơm vaccine (geh 210 rbô ding sơnơm vaccine AstraZeneca mờ 40 rbô 800 ding sơnơm vaccine Moderna) ai Việt Nam in nàng rơcang sơndră kòp Covid-19; đơs nền do là bơta dong kờl kuơmàng ngan, ngan ngồn mờ di tŭ gơ wèt tus mờ Việt Nam, sền do là cơng tàng loh làng ngan ai git gơp lơh bơyô jŏ jòng, đềt mềr geh bơt bơtàu sùm tàm rlau 70 nam do đah 2 lơgar. Tus tŭ do, kờp jơh khà sơnơm vaccine rơcang sơndră kòp Covid-19 rê tus Việt Nam bơh uă bơnah krơi is là rlau 27 tơlak ding.

Cau mblàng K’Duẩn