VOV4.K’ho- Geh tai 2 khà sơnơm vaccine AstraZeneca mờ rlau 1 tơlak 400 rbô ding neh rê tus ƀòn dờng Hồ Chí Minh. Do là dơ̆ jàu sơnơm vaccine dơ̆ 10 mờ dơ̆ 11 gơ wèt sră pơrgon dan blơi lài 30 tơlak ding sơnơm vaccine đah AstraZeneca mờ Kong ti cổ phần vaccine Việt Nam (VNVC).

Jơnau pơrgon do neh cèng rê ai lơgar Việt Nam in mờr 8 tơlak 200 rbô ding tàm khà 17 tơlak ding sơnơm vaccine rơcang sơndră kòp Covid-19 bơh AstraZeneca dê ai bơh VNVC, broă lơh COVAX mờ dong kờl đah Chính phủ ală lơgar. Sơnơm vaccine bơh AstraZeneca dê tŭ do geh mờr 64% khà ai sơnơm vaccine rơcang sơndră kòp Covid-19 tàm gùt lơgar. Bơdìh broă tàm jàu ờ sa priă cồng jơh 30 tơlak ding sơnơm vaccine do ai Bộ Y tế in, VNVC kung hơ pơrgon dong kờl, tă tơm is tơl bơnah priă gơlik geh tàm broă blơi, dờp, jàu sơnơm vaccine, kờp dŭ gơguh tus git nđờ rhiang tơmàn đông.

Cau mblàng K’Duẩn