VOV4.K’ho- Tàm Hìu duh broă Chính phủ dê, ồng Nguyễn Xuân Phúc, Thủ tướng Chính phủ Việt Nam neh tìp mat mờ ală Kuang bàng ala mat ală mpồl Liên hợp quốc tàm Việt Nam.

Tàm dơ\ tìp mat, ala mat ală mpồl bơh Liên hợp quốc tàm Việt Nam chờ hờp bal mờ cồng nha lơh sa- mpồl bơtiàn lơgar Việt Nam dê lơh geh tàm tơngai lài, mơkung tơlik nùs nhơm dùl nùs bal mờ Việt Nam tàm broă lơh tam dră wơl mờ bơta tam gơl trồ tiah, lơh tam gơl pa rài lơh sa jat gùng dà lơh sa tơlir, dong lơh bơtàu tơnguh lơh sa is; lơh broă bal tàm gah broă lơh niam chài mpồl bơtiàn, sền gàr pràn kơldang să jan kơnòm dềt…

Thủ tướng Nguyễn Xuân Phúc đơs ngan, Việt Nam sền dờng màng gơnoar broă tờm bơh Liên hợp quốc dê mờ sùm sền Liên hợp quốc là dùl tàm ală broă ai lài bơh broă lơh mờ lơgar ndai, là cau lơh broă bal kuơmàng khà dùl.

Việt Nam geh pơn jat tai rề ơnàng, tă pơgồp jơh nùs mờ geh kơnòl tàm broă lơh bal bơh Liên hợp quốc dê tàm jơh bal 3 broă tờm, là: ring lơngai, bơtàu tơnguh mờ dong kờl gơnoar kòn bơnus.

Chính phủ Việt Nam geh pơn jat tai dong kờl ală broă lơh lơh broă bal mờ Liên hợp quốc, lơh geh tơl ală bơta ai ală mpồl bơtàu tơnguh Liên hợp quốc tàm Việt Nam in lơh jat geh cồng nha ală broă lơh, rơndăp broă lơh.

Cau mblàng Lơ Mu K’Yến