VOV4.K’ho- Kờp tus drim do, ngai 4/5, neh 18 ngai Việt Nam ờ geh cau kòp pa Covid-19 tàm mpồl bơtìan. Ngai 3 nhai 5, Việt Nam geh dùl nă cau kòp Cơvid-19, là cau lơgar Anh, geh ơm yah tam cah is bơh tu\ mut ơm kis tàm lơgar he, tơnguh khà cau bơtờp kòp Covid-19 là 271 nă. Bulah neh geh rlau 2 poh ờ geh cau bơtờp kòp pa tàm mpồl bơtìan, mơya làng bol kung gam gàr niam lơh jat broă rcang sơn dră kòp, pleh bơta bơtờp kòp digơlan gơlik geh.

Bộ Y tế pà g^t, Việt Nam sơn rờp lơh geh cồng nha broă kơlôi sơnơng sac rơ wah sơnơm vaccine rcang sơn dră kòp Covid-19 mờ neh geh ngui tơr lòng lài tàm đe bơh 2 poh do. Digơlan, tàm poh do, ală mẫu mhàm đe ngui tơrlòng lài geh jun tus Viện Vệ sinh dịch tễ dà lơgar dê nàng sền sơ wì bè bơta pràn sơn dră wơl mờ virus Sars- CoV-2.

 Cau mblàng K’ Hạnh