VOV4.K’ho- Tàm dơ̆ pơrjum băo ờs mờng geh lơh tàm mho ngai òr 10/6, hơ jơnau lùp bơh cau lơh băo dê dan đơs bè jơnau yal đơs là, Mỹ geh broă rơndăp lơh pà 500 tơlak ding vaccine rơcăng sơndră kòp Covid-19 ai ală lơgar in, cau sơ pơ̆ bơr bơh Bộ Ngoại giao lơgar Việt Nam dê mò Lê Thị Thu Hằng, pà gĭt: Việt Nam jờng rơ broă Mỹ yal broă lơh tam pà vaccine rơcăng sơndră kòp Covid-19 nàng kờñ tam pà 25 tơlak ding vaccine bơh sơnrờp tàm gùt dunia in, tàm hơ̆ geh ală lơgar tàm tiah đah jum măt tơngai lik châu Á mờ Việt Nam.

Tàm tơngai kòp bơtờp kal ke ngan bè tŭ do, Việt Nam kơ̆p kờñ ală dà lơgar mờ ală mpồl dunia lơh jăt nùs nhơm tam klăc bal, geh kơnòl, sơlơ tam pà bal jơnau yal, măy mok, priă jền, lơh sơnơm, kuơmàng là vaccine nàng bal mờ gơ̆p kơryan kòp ngòt rơngơ̆t ngan do.

Cau mblàng Lơ Mu K’Yến