VOV4.K’ho – Ngai òr (02/5), tàm hìu lơh broă Chính phủ, Thủ tướng Nguyễn Xuân Phúc wă Bộ trưởng Bộ truyền thông lơgar Cuba, ồng Jorge Luis Perdomo Di-Lella gam ơm còp lơgar Việt Nam. Thủ tướng chờ hờp tài bơta lơh broă bal uă gah đah 2 lơgar, tàm hơ\ geh gah viễn thông.

Thủ tướng kung tam pà mờ Chính phủ mờ làng bol lơgar Cuba tàm tu\ tơngai kal ke tài ală bơta gơlik geh tàm ală lơgar rềp bal, mơya kung gam lơh ngan bơt bơtàu mờ bơtàu tơnguh dà lơgar, bơtàu tơnguh phan bơna công nghệ thông tin.

Chính phủ Việt Nam kờ` dong lơgar Cuba lơh anih tờm sền gròi ngap lơngai tàm internet. Thủ tướng sồr Bộ Truyền thông lơgar Cuba ai geh bơta [uơn ai ală mpồl lơh sa kă bro sồ 1 bè công nghệ thông tin bơh lơgar Việt Nam dê mut tàm drà kă bro lơgar Cuba tài do là ală mpồl lơh sa kă bro geh mờng chài dunia, geh bơta pràn jơh bal bè priă bơcri, công nghệ mờ kòn bơnus mờ ngan là gơtùi pin dờn tàm broă kă bro.