VOV4.K’ho- Dơ\ pơrjum ală Kuang bàng dờng màng (SOM) ASEAN, kấp Thứ trưởng Ngoại giao, neh geh lơh mờ broă lơh pơrjum pờ tơn tàm internet. Thứ trưởng Bộ Ngoại giao, Kuang atbồ SOM ASEAN Việt Nam là ồng Nguyễn Quốc Dũng tus bal dơ\ pơrjum tàm gơnoar broă là Chủ tịch ASEAN 2020.

Đơs tàm dơ\ pơrjum, Thứ trưởng Nguyễn Quốc Dũng sồr tơr gùm lam lơh 4 cồng nha tờm jat kơrnoar bơh ală Kuang đơng lam bồ ASEAN dê tàm ală dơ\ pơrjum, tàm hơ\ geh “crơng gơs kes priă ASEAN rcang sơn dră kòp Covid-19; lơh anih prap ơn tàm tiah ASEAN bè phan bơna lơh sơnơm; bơt bơtàu Broă lơh tơl khà ASEAN dê sơn dră wơl mờ ală bơta digơlan gơlik geh tàm gah lơh sơnơm mpồl bơtìan jal mhar mờ bơt bơtàu broă rơn dap lơh lơh niam wơl bơh ASEAN dê tơnơ\ tơngai jơh kòp Covid-19.

Bè pơrjum Kuang bàng dờng màng dơ\\ 36 mờ ală Pơrjum geh gơ rềng digơlan geh lơh tàm lồi nhai 6 tus do, Thứ trưởng Nguyễn Quốc Dũng yal Việt Nam gam lơh ngan rcang broă lơh Pơrjum do in, sền gròi lơngap lơngai, ờ do ờ dă uă ngan rlau jơh ai jơh ală mpồl kuang bàng ala mat ală lơgar tus bal dơ\ pơrjum in.

Cau mblàng K’ Hạnh