VOV4.K’ho-  Ngai 03/8, Bộ trưởng Bộ Kuang àng Việt Nam ồng Tô Lâm neh geh dơ̆ tìp mat cribơyai pờ tơlik tơn tàm internet mờ Phó Thủ tướng - Bộ trưởng Bộ Nội vụ lơgar Campuchia ồng Samdech Krolahom Sar Kheng.

Bộ trưởng Bộ Kuang àng ồng Tô Lâm tìp mat cribơyai mờ Bộ trưởng Bộ Nội vụ Campuchia

Bộ trưởng Bộ Kuang àng Việt Nam ồng Tô Lâm đơs sùm bulah bơta tàm dunia mờ tàm tiah do gơlik geh kal ke, ờ gơtùi gĭt lài, bal mờ hơ̆ là dơ̆ tung lơtang kòp dờng Covid-19, mơya bơta gĭt gơ̆p lơh broă bal đah Việt Nam mờ Campuchia geh kuang đơng lam bồ kấp dờng màng 2 lơgar dê jơh nùs sền dờng màng. Ală broă lơh lùp lăp, tàm yal tơngĭt bal bơh ală gah lơh broă mờ lơgar ndai geh lơh sùm, lơh broă bal sền gàr bơta lơngap lơngai – sền gàr dà lơgar đah 2 lơgar dê geh lơh kơ̆ kơljap mờ tơnguh. Bè gùng dà broă lơh lơh broă bal tàm tơngai tus, Bộ trưởng Tô Lâm mờ ồng Samdech Krolahom Sar Kheng đơs ngan 2 gah pơn jat tai bơtàu tơnguh bơta gĭt gơ̆p “lơgar rềp bal niam bơnĕ, lơh bơyô bal bơh yau, lơh broă bal tơl làm, kơ̆ kơl jap mờ jŏ jòng”, tơnguh bơta dong kờl bal mờ gơ̆p tàm ală dơ̆ pơrjum dunia mờ tàm tiah ASEAN.

Cau mblàng K’Hạnh