VOV4.K’ho - Ai geh bơh mpồl mùl màl tàm uă anih lơh broă sră nggal dà lơgar, broă sơgràm l^p sră, photo mờ pơyoa sră nggal lơh gơbàn hoàc huơr mờ roh uă ngan tơngai. Mpồl cau kơnòm să gơwèt Trung tâm Công nghệ thông tin – VNPT Dak Lak neh lơh rơndăp broă phan dong kờl broă lơh Hội đồng Nhân dân ală kơnă dong kờl kờl broă lơh Hội đồng Nhân dân geh bơyai lơh mờ gùng dà broă lơh “Ờ geh pang sră” mơya kung gam mhar, [uơn lơh. Rơndăp broă lơh do neh geh dờp khà pơn jờng Tài broă tơnguh bơtàu mpồl bơtiàn tàm dơ\ jào khà pơn jờng Nhân tài đất Việt nam 2017.

Tơnơ\ mờ 9 nhai kơlôi sơnơng mờ lơh tơlòng, phan dong kờl broă lơh Hội đồng Nhân dân ală kơnă bơh mpồl cau kơnòm să gơwèt Trung tâm Công nghệ thông tin – VNPT Dak Lak neh pà go\ geh cồng nha, di pal mờ ală broă lơh tàm Hội đồng Nhân dân bơh càr tus xã.

                                                           VNPT tài mpồl bơtiàn

Bi Y Duy Byă, atbồ mpồl lơh rơndăp broă do pà g^t, mờ phần mềm do, broă bơyai lơh mờ đơng lam pơrjum, dơ\ pơrjum geh lơh jăt broă lơh “Ờ geh pang sră”, ală broă lơh sùm bè sră jà tus pơrjum, ai tơngai lơh broă, tơngai tìp mờ cau te\ khà, atbồ, sền gròi broă lơh, lùp mờ hơ jơnau lùp, sền gròi mờ atbồ broă hơ pang sră lùp, hơ jơnau lùp bơh cau te\ khà Hội đồng Nhân dân ală kơnă dê… geh lơh mhar, [uơn, lơh jăt broă lơh mờ sùm geh jòi sền. Bi Y Duy Byă pà g^t:

-Phan do geh ngui tàm ală broă lơh bè đơng lam ală dơ\ pơrjum ha là đơng lam ală dơ\ pơrjum Hội đồng Nhân dân. Hơ\ là ơla mờ tơl dơ\ pơrjum, cau drơng broă geh ai tơngai, l^p sră, l^p sră jà ai ală kuang bàng in den phần mềm do geh lơh is ală broă do ơla cau dong broă mờ pơyoa ală sră jà kung bè sră geh bơh phần mềm.

Dơ\ 2 là tàm gơnoar atbồ broă den kuang bàng đơng lam di gơlan geh jào mờ atbồ broă să tòm ai cau jăt jơng in bơh phần mềm do. Bơdìh mờ phần mềm do gam geh ờ uă gơnoar ndai tai bè atbồ tơngai lơh broă anih lơh broă dê, dờp sră nggal…

Phan do geh lơh tàm điện toán đám mây, mìng kờ` geh phan tơrbo\ bal mờ internet mờ geh trình duyệt là gơtùi ngui mơ. Phan do geh pơgồp bal tàm broă tơmù sơgràm uă ir sră nggal kung bè broă l^p sră nggal uă ir, lơh gơbàn hoàc huơr.

Bi Đinh Văn Thịnh, cau tàm mpồl lơh rơndăp broă do yal, kờ` lơh gơs phần mềm do, mpồl neh ai uă ngan tơngai kơlôi sơnơng broă lơh Hội đồng Nhân dân dê, bơh tu\ hơ\ kơlôi sơnơng ngui công nghệ thông tin tàm tơl broă lơh mùl màl kờ` [uơn ngan tus mờ cau ngui in:

-Lài ngan den he kơlôi sơnơng geh Hội đồng Nhân dân lơh broă tòm bơh Hội đồng do dê là bè lơi, tơnơ\ mờ hơ\, hơ\ sồng he wèt tus broă tơnguh bơtàu phần mềm kờ` ngui công nghệ thông tin tàm broă lơh Hội đồng dê. Phần mềm ngui den gơwèt mờ cau g^t wă công nghệ thông tin tơngai kờ` bơsram g^t kung mhar sơl, cau ờ wă ngan den geh dong kờl tai.

Mờ ală bơta kuơ mùl màl, phan do neh geh dờp khà tài broă tơnguh bơtàu mpồl bơtiàn tàm dơ\ jào khà pơn jờng Nhân tài đất Việt nam 2017 mờ geh mpồl bơyai lơh đơs là phan công nghệ thông tin geh bơta niam.

Ồng Nguyễn Văn Thản, atbồ Trung tâm Công nghệ thông tin – VNPT Dak Lak pà g^t, tu\ do phan gam geh tơlòng lơh tàm Hội đồng Nhân dân 5 càr là: Cao Bằng, Yên Bái, Quảng Bình, Lâm Đồng mờ Bà Rịa – Vũng Tàu. Tàm tơngai tus tập đoàn VNPT geh ai phan do lơh tus tàm 63 càr, [òn dờng di jăt mờ broă ai ơpah phan drơng ơla, dong kờl ală Hội đồng Nhân dân ờ pal bơcri uă priă lơh lài ngan uă ir mơya kung gam gơtùi ngui phan do sơl:

-Bơta niam bơh phần mềm do dê den geh uă uă ngan mờ mhar ngan, di pal niam bơh xã tus kơnhoàl mờ càr. Phan do gam geh tập đoàn ai gùng dà mờ lơh uă tus 63 càr, [òn dờng, là 1 tàm ală phan lơh tòm tàm broă lơh bal bơ\t bơtàu gơnoar atbồ điện tử bơh VNPT mờ ală càr, [òn dờng tàm gùt lơgar.

Ơla mờ ală Hội đồng Nhân dân pal bơcri priă lài ngan lơh gơs 1 rơndăp broă lơh dờng, den Hội đồng Nhân dân càr geh ngui mờ broă ơpah phan lơh broă do, anih lơh gơs phan lơh broă do pal gàr niam jơh ală broă lơh gơwèt mờ phần mềm lơh broă do.

Tàm ală nam do, broă chồl pràn ngui công nghệ thông tin tàm ală broă lơh bơh ală anih lơh broă sră nggal dà lơgar neh geh uă broă lơh gơguh jăk, dong kờl geh bơta niam, cồng nha atbồ sơlơ ngai sơlơ geh tơnguh uă. Broă lơh geh cồng nha phan dong kờl broă lơh Hội đồng Nhân dân geh pơgồp bal tai phan dong kờl broă lơh bơh Hội đồng Nhân dân ală kơnă dê tu\ bơsong broă lơh.

Cau cih mờ yal tơng^t Ndong Brawl