VOV4.K’ho -  Anih lơh broa\ jơnau đơs Việt Nam ngan ngồn geh mut ngui Anih lơh broa\ sùm tàm Sydney, lơgar Australia. Dơ\  lơh chờ mut ngui anih lơh broa\ sùm jơnau đơs Việt Nam la dùl broa\ lơh ngan ngồn gơ ơm tàm broa\ lơh dơ\ tus còp ngan ngồn lơgar Australia bơh Thủ tướng Chính phủ Nguyễn Xuân Phúc mờ pơ ùr.

Đơs tàm dơ\ mut lơh, ồng Nguyễn Thế Kỷ gơnoar atbồ dờng anih lơh broa\ jơnau đơs Việt Nam neh đơs ua\ broa\ lơh bơh ala\ cau ai tơnggit jơnau lơh broa\ sùm  anih jơnau đơs Việt Nam tàm Australia, ơnàng rlau la lơgar New Zealand mờ ala\ lơgar bồt tàm châu Đại Dương pơ gồp bal lơh gơrề ơnàng ala\ jơnau yal tơnggit bơh anih  jơnau đơs Việt Nam,  geh bal mờ ala\ anih lơh bao\ ndai lơh geh dùl bơta pràn trơ gùm bal nàng jơnau yal tơnggit, mblàng yal bè git gơp bơh Việt Nam mờ ala\ lơgar, bè  cau Việt Nam kis tàm  Australia, New Zealand mờ ala\ lơgar rềp bal. Anih lơh broa\ sùm jơnau đơs Việt Nam tàm Australia la anih lơh broa\ sùm dơ\ 11 tàm lơgar cau bơh anih  jơnau đơs Việt Nam.

                   Cau cih mờ yal tơnggit K’ Brọp