VOV4.K’ho-Nam 1993, Anih Jơnau đơs Việt Nam geh kơrnoat crơng gơs Anih lơh broă sùm tiah Tây Nguyên, geh anih lơh broă tàm [òn dờng Buôn Ma Thuột, càr Dak Lak mờ kơnòl broă yal tơngi\t broă gơlik geh tàm tiah Tây Nguyên tàm anih pờ tơlik jơnau đơs dà lơgar dê, mờ lơh gơlik jơnau đơs pờ tơlik jơnau đơs mờ dà kòn cau ơm kis bơh yau tàm tiah do.

25 nam lơh broă bơh anih lơh broă dê là 25 nam ală cau lơh báo tàm anih lơh broă do lơh geh bơta pin dờn bơh cau iat rơdio tàm ală [òn lơgar Tây Nguyên mờ bơh ală kấp kuang đơng lam bồ dê. Gùng lòt hơ\ gam geh pơn jat tai tàm tu\ tơngai kỹ thuật số mờ lơh báo uă gah.

Jơnau tơngi\t, jơnau cih pờ tơlik, lơh geh bơta pin dờn

Là Phó Chủ tịch Ủy ban Nhân dân càr Dak Nông dê, lơh kơnòl broă gah lơh broă sa sươn sre mờ brê bơnơm, ồng Trương Thanh Tùng ờ mìng lòt tus uă tàm [òn lơgar, pal bơsong bơnah uă broă pah ngai mờ gam sùm iat sền ală gah yal tơngi\t jơnau mpồl bơtiàn nàng iat kơno tai jơnau yal bè gah broă mờ he drơng lơh.

Anih Jơnau đơs Việt Nam là gah yal tơngi\t jơnau mờng quèng ngan bơh ồng dê pa tu\ lòt mờ rơndeh dờng bơh hìu tus hờ anih lơh broă halà bơh anih lơh broă tus tàm [òn lơgar mờ ồng lòt lơh broă.

Tàm yă jơnau yal tơngi\t, jơnau cih go\ ngan ngồn pờ tơlik tàm Anih jơnau đơs Việt Nam, ồng Trương Thanh Tùng là cau yal tơngi\t jơnau, hơ jơnau lùp mơkung là cau iat kơno jơnau yal tơnơ\ hơ\, den tàng ồng gi\t loh làng ngan, jơnau yal tàm Anih Jơnau đơs Việt nam là ală jơnau yal di tu\ mờ pin dờn ngan. Nàng pơn jờng ală cau lơh báo geh kơnòl, tu\ iat geh tơl jơnau yal geh kuơ, ồng ndrờm yal wơl di tu\ mờ cau lơh báo.

Tơnơ\ 25 nam crơng gơs, bơh dùl anih lơh broă tờm tàm [òn dờng Buôn Ma Thuột, càr Dak Lak tus tu\ do, Anih lơh broă sùm Anih jơnau đơs Việt Nam tàm Tây Nguyên neh pờ cơldu\ lơh broă ala mat tàm jơh 5 càr tàm Tây Nguyên, ai bơh 1 tus 2 nă cau lơh báo lơh kơnòl broă dùl càr.

Mpồl cau ùr kuang bàng viên chức VOV Tây Nguyên

Pah tu\ gơlik ală broă, jơnau kuơmàng tàm ală càr, anih lơh broă ndrờm ai tai cau lòt lơh broă, nàng kờ` jơh ală broă, jơnau hơ\ geh yal wơl di tu\. Kờp bal pah nhai, ală cau lơh báo lơh gơlik pơgăp 200 jơnau ală bơta, tàm hơ\ geh jơnau yal tơngi\t, jơnau cih, jơnau lùp, cribơyai pờ tơlik tơn bè jơh ală bơta tàm rài kis lơh sa chính trị mpồl bơtiàn tàm ală càr tàm tiah do; pơgăp 150 phuk jơnau đơs geh bơta jak chài bơto tơngkah, bè ală gah broă lơh sa sươn sre, brê bơnơm, lơh sơnơm nàng dong làng bol tàm ală [òn lơgar tàm rài kis mờ broă lơh sa.

Bal mờ pờ tơlik tàm anih pờ tơlik jơnau đơs dà lơgar dê, ală jơnau yal tơngi\t, ală jơnau cih bơh anih lơh broă sùm Anih jơnau đơs Việt Nam tàm Tây Nguyên dê lơh gam geh pờ tơlik tai tàm báo điện tử VOV.vn, gah sơ`io rùp VOV, jơnau đơs yal tơngi\t bơta gơlik geh pah ngan Tây Nguyên mờ 6 jơnau đơs dà kòn cau ơm kis bơh yau tàm Tây Nguyên.

Dùl jơnau đơs là bơta pơn jờng chính trị

Ală jơnau yal tơngi\t uă li la bơh anih lơh broă sùm Anih Jơnau đơs Việt Nam tàm Tây Nguyên dê lơh, pờ tơlik, cih yal là dùl tàm ală rbàng tơrbo\ yal tơngi\t jơnau di tu\ nàng ală kấp kuang đơng lam bồ in gi\t tai broă gơlik geh tàm [òn lơgar; nàng làng bol ală [òn lơgar in geh iat jơnau yal tơngi\t uă bơta bè rài kis mpồl bơtiàn mờ ală rboă tàm Tây Nguyên, tàm lơgar mờ tàm dunia.

Là dùl nă cau sùm iat jơnau đơs bơh Anih jơnau đơs Việt Nam dê, ồng Y Bhiong Niê, ơm tàm [òn Ako Dhông, sơnah [òn Tân Lợi, [òn dờng Buôn Ma Thuột, càr Dak Lak mìng iat wa\ ală jơnau đơs pờ tơlik mờ dà yoan mờ dà Rơđê, dà Jrai lơm, mơya ồng kung gam gi\t loh sơl, tàm jơnau pờ tơlik bơh Anih jơnau đơs Việt Nam dê, làng bol uă jơi bơtiàn kòn cau ndai, kung iat sơl ală jơnau đơs pờ tơlik mờ dà kòn cau he dê.

Dà Yoan do, dà Jrai do, dà Mnông tai do…Hơ\ sồng dà Mông, dà ală kòn cau tàm tiah đah tô dà lơgar dê tai, ndrờm geh yal tơngi\t mblàng yal tàm anih jơnau đơs Việt Nam. Anih jơnau đơs Việt Nam mblàng yal bè ală gùng dà broă lơh bơh Đảng dê tus tơn mờ làng bol in nàng khi gơtùi iat kơno geh ală bơta lơi gơrềng tus mờ khi. Bơh hơ\ ai geh ală jơnau bơsram mờng chài tàm broă lơh sa, bơta mờng chài tàm rài kis pah ngai, mờng chài tàm rơndăp tăp sèng rài kis hìu bơnhă.

Mpồl cau klau kuang bàng viên chức VOV Tây Nguyên 

Lơh gơlik ală jơnau đơs pờ tơlik mờ dà kòn cau Tây Nguyên drơng làng bol ală kòn cau ơm kis bơh yau tàm tiah do in là kơnòl broă tờm kuơmàng bơh Anih lơh broă sùm Anih Jơnau đơs Việt Nam tàm Tây Nguyên dê.

Bơh dì tu\ pa crơng gơs tơn tàm nam 1993, Anih jơnau đơs Việt Nam neh đơs, jơnau đơs do ờ mìng lơh geh ală jơnau bè yal tơngi\t jơnau mblàng yal, lơh geh bơta sră báo…mờ gam pal lơh uă bơnah niam chài đơs crih tam ya, di bè jơnau kơ\p kờ` bơh làng bol iat rơdio tàm ală thôn, [òn dê.

Den tàng bè hơ\, ală cau lơh broă lơh pờ tơlik jơnau đơs kòn cau tàm Anih lơh broă sùm tàm Tây Nguyên ờ mìng là ală cau lơh báo, cau sền swì jơnau, cau đơs mờ gam pal là ală cau jòi tơrgùm bơta niam chài.

Tơnơ\ 25 nam crơng gơs, anih lơh broă neh bơyai lơh gi\t nđờ rhiang dơ\ lòt jòi tơrgùm ai tơmu\t prăp gàr gi\t nđờ rbô jơnau pơnđick, jơnau dròng cinh mồng, uh rơkèl, uh kơ wào, ală yal yau Tây Nguyên dê, ngui sùm tàm ală jơnau đơs pờ tơlik pah ngai mờ pờ tơlik tàm ală pang yal tơngi\t jơnau điện tử VOV4.VN.

Tàm dùl dơ\ lòt còp Anih lơh broă sùm tàm Tây Nguyên, lùp kờ` gi\t bè broă lơh bơh ală cau lơh báo pờ tơlik jơnau đơs tàm do, mò Tòng Thị Phóng, Phó Chủ tịch Quốc hội neh lời ai anih lơh broă in jơnau cih dờp mờ jờng rơ uă ngan.

Broă mờ ală oh mi ku\p săp, ku\p wơl jơnau đơs, ku\p săp wơl ală jơnau pơnđick, ală jơnau đơs pơnđiang…hơ\ sồng ku\p săp wơl tàm ală dơ\ pơrlòng mờ ală càr tàm Tây Nguyên bơyai lơh…den jat a` đơs, hơ\ là ală mờng chài kuơmàng ngan.

Pờ tơlik jơnau đơs mờ ală dà hơ\ là dùl broă lơh jờng rơ bè đah chính trị gơ wèt mờ làng bol ală kòn cau. Hơ\ kung ngan là ală kơnòl mờ ală oh mi neh lơh, gam lơh, nàng kờ` kờp sền, prăp gàr, ngui niam bơhiàn niam chài ală jơi bơtiàn Việt Nam. Do là dùl tàm ală broă mờ a` kờ` đơs jơnau ưn ngài mờ pơn jờng, jờng rơ, kơ\p kờ` ală oh mi sùm nhhap nhhar bơceh pa, kah tus [òn lơgar…

Gùng lòt pa bal mờ Jơnau đơs Việt Nam

25 nam crơng gơs, broă lơh sră báo tàm Anih lơh broă sùm Anih jơnau đơs Việt Nam tàm Tây Nguyên neh sơrlèt gan dùl gùng lòt jòng, bơh tu\ tơngai măy cih akhar mờ tê- ku\p săp mờ băng cối, tam gơl tus lơh broă tơn- uă gah- kỹ thuật số.

Bơta gơguh jak, khà lơh gơs kơnòl broă bơh ală cau lơh báo tàm do dê ờ mìng tơngo\ tàm khà 200 jơnau yal tơngit, jơnau cih pah nhai, gi\t nđờ jơ\t rbô tu\ jiơ pờ tơlik jơnau đơs pah nam lơm gời ờ, mờ gam geh cih dờp tàm ală dơ\ pơrlòng sră báo gùt lơgar, khà jờng sră báo dà lơgar, Pơrlòng pờ tơlik jơnau đơs gùt lơgar mờ ală dơ\ pơrlòng sră báo tàm tiah do, bal mờ gi\t nđờ rhiang khà jờng neh lơh geh.

Jat Kuang atbồ dờng Anih jơnau đơs Việt Nam, ồng Nguyễn Thế Kỷ đơs, sền wơl 25 nam do gơtùi go\, gùng dà broă lơh bơh Anih jơnau đơs Việt Nam dê bè crơng gơs ală anih lơh broă sùm tàm lơgar, tàm hơ\ geh anih lơh broă sùm tàm tiah Tây Nguyên, là gùng dà broă lơh neh geh đơs ngan bơta dipal. Broă lơh bơh anih lơh broă sùm dê lơh geh ai Anih jơnau đơs Việt Nam in jat sền jơh ală bơta gơlik geh tàm [òn lơgar, yal tơngi\t jơnau dipal, geh bơta jrô.

Tàm tu\ tơngai pa, sră báo bơtàu tơnguh jat gùng dà uă gah, tàm pơrlòng pràn ngan. Ală cau lơh báo, cau sền swì jơnau tàm ală anih lơh broă sùm bơh Anih jơnau đơs Việt Nam dê sơlơ pal jơh nùs jơh tồr lơh broă mờ [òn lơgar mờ sùm bơsram tàp nùs nhơm bồ tơngoh broă lơh, bơsram tàp bè bơta jak chài tàm broă lơh ờs mờng.

Tàm tu\ tơngai pa den oh mi ờ mìng lơh pờ tơlik jơnau đơs lơm mờ gam lơh ai jơh bal sơ`io rùp in, lơh ai bal báo điện tử, báo in dê in sơl. Ờ mìng gi\t lơh mờ oh mi gam pal lơh chài, lơh jak. Ờ mìng pờ tơlik jơnau đơs tơn, dùl bă tiah, mờ gam pal sơ`io rùp tơn, dùl bă tiah.

Hơ\ sồng tàm ù tiah Tây Nguyên den pal rlau mờ oh mi tàm Hà Nội là pal gi\t loh bè kơnhoàl ù tiah mờ kòn bơnus Tây Nguyên, dùl kơnhoàl ù tiah bềng bơhiàn niam chài is bơh ală jơi bơtiàn dê, mờ ai geh bơta jrô bơta niam chài hơ\ tàm jơnau cih sră báo.

Dùl dơ\ pờ tơlik tơn jơnau đơs tàm [òn Ako Dhong, [òn dờng Buôn Ma Thuột, càr Dak Lak

Ală jơnau cih dờp niam bơne\ bơh làng bol ală [òn lơgar Tây Nguyên dê, bơh kuang đơng lam bồ ală kấp dê…gơ wèt mờ Anih lơh broă sùm Anih jơnau đơs Việt Nam tàm Tây Nguyên, là bơta pơn jờng, jàu bơta pin dờn mơkung ai tơlik ală jơnau sồr mờ kơnòl dờng tai.

Anih Jơnau đơs Việt Nam neh bơtàu tơnguh sơrbac mhar gơ gơs là anih lơh sră báo uă gah jak chài pa tu\ do, bal mờ 6 gah pờ tơlik jơnau đơs, rlau 10 gah sơ`io rùp, báo in mờ báo điện tử…Tàm “hìu” dờng Jơnau đơs Việt Nam, Anih lơh broă sùm Anih jơnau đơs Việt Nam tàm Tây Nguyên gam pơn jat tai lơh geh bơta pin dờn cau iat rơdio dê bơh ală jơnau sră báo sơrbac mhar, uă jơnau đơs, bềng rài kis kơnhoàl ù tiah [òn lơgar mờ bơh broă lơh báo geh kơnòl, nhhap nhhar, kah tus [òn lơgar.

Cau mblàng Lơ Mu K’Yến