VOV4.K’ho-Pơgăp mờ do di tòm 20 nam, ngai 1/11/1998, Jơnau đơs pờ tơlik mờ dà kòn cau Sơdàng dơ\ sơnrờp geh pờ tơlik tàm anih pờ tơlik jơnau đơs dà lơgar bơh Anih jơnau đơs Việt Nam tàm Tây Nguyên dê.

Bal mờ 3 jơnau đơs pờ tơlik dà kòn cau oh mi tàm Tây Nguyên pờ tơlik bal tàm tu\ hơ\ là dà Rơđê, Jarai, Bahnar, jơnau đơs lơh jat kơnòl broă mblàng yal gùng dà broă lơh Đảng dê, kơrnoat boh lam Dà lơgar dê; bơto yal ală jơnau gi\t wa\ lơh sa bơtàu tơnguh lơh sa, sền gàr pràn kơldang să jan ai làng bol in, mơkung pơgồp bơnah sền gàr rài kis niam chài is ờs mờng bơh yau.

20 nam do, jơnau đơs pờ tơlik mờ dà kòn cau Sơdàng neh đơs nền gơnoar broă, broă lơh bơh he dê tàm broă mblàng- sền kung bè tơnguh jơnhoa cồng nha ală tơngume mblàng yal, ngai sơlơ gơhòi gơ jà geh bơta sền gròi bơh bơyô iat rơdio bơh tiah rềp tiah ngài dê.

Mpồl cau lơh jơnau đơs dà kòn cau Sơdàng

Nàng jơnau đơs dà kòn cau Sơdàng ntas kơno bềng bơta pơ`ìơ să tàm anih pờ tơlik jơnau đơs bơh Anih jơnau đơs Việt Nam dê, ală oh mi lơh broă mblàng mờ sền dà đơs neh pal lơh ngan jơh nùs jơh pràn.

Tài bơh geh ală cau pa jơh bơsram ơdu\ 12, dơ\ sơnrờp lik bơh [òn lơgar neh geh sac rwah lơh broă mblàng jơnau mờ pờ tơlik jơnau đơs. Kah wơl ală ngai pa mu\t lơh broă, bi Y Gương, cau sền đơs dà kòn cau Sơdàng tàm anih jơnau đơs Việt Nam dê gơlơh kah ngan wơl bè do.

Ngai pa mu\t lơh broă tàm Jơnau đơs pờ tơlik mờ dà kòn cau Sơdàng, a` ờ hềt gi\t ngan bè broă mblàng, lơh bè lơi nàng mblàng gơ in di, hơ\ sồng broă sền đơs bè lơi nàng gơ in dipal mờ broă lơh pờ tơlik jơnau đơs. He boh bơr đah bơdìh den là [ươn gơ, mơya tu\ mu\t tàm cơldu\ sền đơs den gơlơh rơngòt, ờ chài ngan, den tàng pal bòl glar ngan hơ\ sồng sền jơh dùl jơnau tơngi\t halà sền jơh dùl jơnau yal.

Pơgăp dùl nam tơnơ\, a` hơ\ sồng rơhời gơlơh quèng mờ broă, là tài bơh gi\t ko\ng bòl glar kal ke, lùp bơsram bơta mờng chài tàm broă lơh ngan ngồn bơh ală oh mi tàm ală jơnau đơs ndai dê, kuơmàng là tơnơ\ mờ tu\ geh lòt bơsram ơdu\ bơto pơlam bè broă sền đơs, broă mblàng dà đơs, bơh nghệ sĩ ưu tú Kim Cúc bơto pơlam, hơ\ sồng lòt bơsram tai tàm Hà Nội mờ bàr pe ơdu\ bơto pơlam ndai bơh Anih jơnau đơs Việt Nam dê…

Sùm lơh ngan lùp bơsram, tơnguh uă bơta chài tàm broă lơh ờs mờng, lùp sền, lùp bơsram jơnau gi\t wa\ tàm rài kis mpồl bơtiàn; lùp bơsram tai dà mè deh bơh ală dơ\ lòt tìp mat mờ ală bơyô iat rơdio, ală dơ\ lòt nhơl tàm [òn lơgar, ală dơ\ rê còp hìu bơnhă, [òn lơgar…mpồl cau lơh jơnau đơs dà kòn cau Sơdàng ngai sơlơ lơh niam broă lơh, tơnguh uă bơta niam tàm broă lơh.

Nhát Lisa mờ Gương tàm cơldu\ ku\p săp

Broă mblàng mờ đơs ờ mìng di mờ jơnau tàm sră nggal bơh sơnrờp mờ gam geh mblàng jat tơl jơnau gơlik geh ngan ngồn, akhar jơnau, dipal mờ adat bơhiàn ờs mờng bơh yau, bơta niam chài bơh kòn cau dê nàng làng bol in [ươn iat, [ươn gi\t mờ [ươn kah mờ [ươn lơh jat. Ală akhar cih neh geh rơndăp tăp sèng jat di jơnau sồr, gơcèng bơta ring bal uă tu\ mblàng ală jơnau, ală gơnoar broă, broă lơh…Bi A Sa Ly, đơs bè do.

Tơnơ\ tu\ uă tơngai jo\ jòng geh ală oh mi tàm mpồl dong kờl, bơto pơlam bè broă mblàng, broă sền đơs, să tờm a` lơh ngan lùp bơsram tai, gi\t wa\ dipal rlau ală jơnau akhar tàm broă lơh ờs mờng.

A` sền go\ là, broă lơh mblàng dà đơs den sơlơ pal kơlôi sơnơng uă, neh đơs lơh broă mblàng dà đơs dên pal mblàng di tơngume, lơh bè lơi ală jơnau mblàng dipal mờ rềp mềl mờ jơnau đơs bơh he dê. A` sùm lơh ngan lùp bơsram tai, bơsram ai să tờm in uă jơnau đơs dà kòn cau mờ dà Yoan nàng lơh di jơnau sồr mblàng dà đơs tu\ do bơh mpồl lơh jơnau đơs dà kòn cau dê.

Tàm ală nam sơnrờp pờ tơlik jơnau đơs, Jơnau đơs pờ tơlik mờ dà kòn cau Sơdàng dê neh dờp geh gi\t nđờ jơ\t pang sră pơyua bơh làng bol iat rơdio bơh tàm [òn rềp, [òn ngài dê tàm kơnhoàl Krông Pach, càr Dak Lak mờ ală kơnhoàl: Đăk Tô, Đăk Hà, càr Kon Tum. Bal mờ broă jờng rơ jơnau đơs, bơyô iat rơdio kung tă pơgồp jơnau đơs bè broă mblàng, broă sền đơs, sền swì săp đơs bơh tơl nă cau sền dê.

Ală nùs nhơm kuơmàng bơh cau bơyô iat rơdio dê bơh ală [òn lơgar neh pơgồp bơnah dong ală oh mi lơh jơnau đơs dà kòn cau Sơdàng pơđơl pràn lơh ngan niam rlau tai ală jơnau đơs pờ tơlik. Bơyô iat rơdio Y Đuynh, ơm tàm [òn Hring, xã Ea HĐing, kơnhòal Cư\ Mgar, càr Dak Lak, pà gi\t.

A` sùm iat jơnau đơs bơh Anih jơnau đơs Việt Nam dê bơh tàm điện thoại at tê. Jơnau pờ tơlik jơnau đơs mờ dà kòn cau Sơdàng tàm [òn oh dê den iat kơno loh ngan, ală oh mi đơs den wa\, sùm iat săp đơs bơh bi A Sa Ly dê. Oh kờ` anih jơnau đơs bơto pơlam uă rlau tai bè broă lơh sa.

 Hìu bơnhă lơh kơphe pa do mơya sùm gơtìp tu kòp lơh aniai, ờ geh dà tuh…den tàng tu\ geh iat rơdio bơto pơlam bè bơta chài sơngka sền gàr kơphe den a` gơlơh sền go\ geh kuơ ngan, bè bơto pơlam bè broă ngui dipal phơng hữu cơ sền gàr chi tam, lơh ai plai in geh công nha uă. A` kung kờ` ngan iat ală jơnau đơs pơnđick Tây Nguyên, iat săp ntas dròng cing mồng, kờ` ngan mờ chờ hờp ngan.

Bal mờ ală jơnau đơs dà kòn cau ndai tàm Tây Nguyên, jơnau đơs pờ tơlik mờ dà kòn cau Sơdàng ngai sơlơ geh lơh niam wơl broă lơh, tơnguh uă bơta niam tơngume nàng kờ` lơh jat jơnau kờ` iat yal tơngi\t jơnau ngai sơlơ uă bơh làng bol ală kòn cau dê. Mờ jơnau yal tơngi\t li la mờ uă ngan, yal tơngi\t jrô, bè: Jơnau gơlik geh pah ngai, Quốc hội mờ cau te\ khà, Pràn kơldang să jan ală cau in, Lòt bal mờ cau lơh broă sa, {òn lơgar pa, Bơta niam chài rơgơi ală kòn cau Tây Nguyên…

Jơnau đơs dong làng bol iat rơdio ală jơnau gi\t wa\ bè broă lơh sa, sền gàr pràn kơldang să jan, gi\t wa\ kơrnoat boh lam gi\t wa\ bè bơhiàn niam chài bơh kòn cau he dê kung bè ală jơi bơtiàn kòn cau oh mi ndai tàm làm gùt ù tiah dà lơgar…

Drơng jơnau kờ` bơh bơyô iat rơdio dê, mờ pơgồp bơnah sền gàr bơta niam chài kòn cau, uă nam do, Mpồl cau lơh gơs jơnau đơs dà kòn cau Sơdàng neh pơgồp bal lòt jòi tơrgùm, ku\p săp đơs jơnau pơnđick tàm ală [òn lơgar tàm Tây Nguyên.

Tus tu\ do, jơnau đơs neh geh rlau 370 jơnau đơs pơnđick kòn cau Sơdàng bal mờ uă gùng đơs crih mờ tơngume li la ngan, gơ jat bal mờ rài kis bơh làng bol dê. Bơyô iat rơdio mờng quèng ngan là bi A Đâm, ơm tàm thon Long ‘Jon, xã Đăk Ang, kơnhoàl Ngọc Hồi, càr Kon Tum đơs bè do.

A` kờ` ngan iat jơnau đơs pơnđick kòn cau Sơdàng dê pờ tơlik tàm anih pờ tơlik jơnau đơs bơh Anih jơnau đơs Việt Nam dê, ngan là iat ală nghệ nhân đơs bè jơnau pơnđick jat gùng ayo\, rơngê, ting ting. Săp đơs crih bơh ală nghệ nhân dê pờ tơlik tàm anih pờ tơlik jơnau đơs iat kơno loh ngan, niam ngan.

A` sền go\ tu\ do, là ală jơnau đơs pơnđick, ală jơnau đơs crih bơh kòn cau Sơdàng dê gơ wèt mờ cau kơnòm să tu\ do ờ gam kờ` ngan tai. Den tàng bè hơ\, a` kơ\p kờ` jơnau đơs pờ tơlik mờ dà kòn cau Sơdàng bơh Anih jơnau đơs Việt Nam dê sơlơ pờ uă rlau tai ală jơnau đơs pơnđick nàng mblàng yal rơnàng kơnòm să in geh iat, geh gi\t wa\ mờ gi\t sền gàr mờ ngui niam bơhiàn niam chài ờs mờng bơh yau bơh kòn cau he dê.

Bal mờ broă pờ tơlik jơnau đơs, jơnau đơs dà kòn cau Sơdàng gam geh up tai tàm pang web điện tử VOV4.VN bơh Anih jơnau đơs Việt Nam dê, dong làng bol kòn cau Sơdàng ơm tàm jơh ală ù tiah tàm lơgar mờ dunia in geh sền, geh iat mờ dà kòn cau he dê. Tus tu\ do neh geh rlau 34 rbô dơ\, kờp jơh khà IP mờr 10 rbô, jòi pờ pang web dà kòn cau Sơdàng; kờp bal pah ngai geh rlau 100 nă cau sền bơh 30 lơgar tàm dunia pờ pang web.

Jat ồng Nhat Lisa, Phó Kuang atbồ Phòng pờ tơlik jơnau đơs dà kòn cau- VOV Tây Nguyên, mơkung là kuang atbồ mpồl cau lơh jơnau đơs dà kòn cau Sơdàng yal, broă lơh pờ tơlik jơnau đơs mờ dà kòn cau pal lơh geh 2 jơnau kuơmàng, hơ\ là mblàng mờ broă sền đơs tàm anih pờ tơlik jơnau đơs. Broă mblàng gơ sồr pal rềp mềl [ươn wa\, săp đơs pal đơs niam bal mờ jơnau đơs ờs mờng bơh kòn cau he dê.

Jat a` den nàng jơnau đơs mblàng yal mờ dà kòn cau ngai sơlơ rềp mềl mờ bơyô iat rơdio, bơdìh mờ broă lơh niam broă lơh ờs mờng tàm anih lơh broă, mpồl cau mblàng mờ đơs dà kòn cau pờ tơlik tàm anih jơnau đơs kung pal geh tu\ tơngai sùm tam tìp boh bơr mờ làng bol kòn cau he dê nàng lùp bơsram dà đơs mè deh dê, mờ pơn jat tai bơsram tàp săp đơs.

Gơ wèt mờ ală cau mblàng jơnau đơs gam kơnòm să pal bơsram lơh broă lơh lòt cih jơnau, sùm lòt tus ală [òn lơgar, bơh hơ\ geh ai geh jơnau bơsram mờng chài tàm broă mblàng mờ sền, kung bè geh jơnau cih rềp mềl rlau, gơ jat bal mờ bơhiàn niam chài ờs mờng bơh kòn cau he dê. Ală cau mblàng cau sền jơnau đơs pal lơh ngan, pơđơl pràn uă rlau tai nàng lơh geh cồng nha niam tàm tơngai tus.

Karita Nga mờ A Sa Ly tàm cơldu\ ku\p săp

Bơta lơh ngan pơđơl pràn bơh ală oh mi lơh broă sền swì, mblàng, mờ cau sền jơnau đơs pờ tơlik, uă jơnau cih pờ tơlik mờ dà kòn cau Sơdàng neh lơh geh ală khà jờng bơh Anih jơnau đơs Việt Nam dê. Hơ\ là Jơnau Bơta niam chài rơgơi ală kòn cau Tây Nguyên “Bơhìan dan să tàm àng drim gờ`- Bơhiàn niam chài bơto tơngkah kòn bơnus bơh cau Sơdàng dê” geh khà jờng C- Khà jờng Jơnau đơs Việt Nam nam 2017.

Jơnau đơs pờ tơlik tàm bơrlu\ bal “Niam chài Sơdàng: jơnau sơnđờm bơh bơta kờ` gơboh dê, bơtòm tơrgùm, gơrề mờ chờ hờp” lơg geh khà jờng Trà tàm dơ\ pơrlòng pờ tơlik jơnau đơs gùt lơgar nam 2018.

Ală nùs nhơm sền dờng màng kờ` gơboh bơh làng bol [òn lơgar dê, uă phan jờng cih dờp bơh Anih jơnau đơs Việt Nam dê là bơta pơn jờng pơndờm pơnđiang ală cau mblàng, cau sền jơnau đơs pờ tơlik mờ dà kòn cau Sơdàng bơh VOV Tây Nguyên dê pơn jat tai lơh ngan, bơsram tàp, nàng kơ\ kơl jăp cơnđoà jơng lòt tàm gùng lòt tài broă lơh pờ tơlik jơnau đơs dà kòn cau bơh Anih jơnau đơs Việt Nam dê, tài rài kis ngai sơlơ bơtàu tơnguh jak chài bơh làng bol ală kòn cau Tây Nguyên dê.

Cau mblàng Lơ Mu K’Yến