VOV4.K’ho – Thủ tướng Chính phủ lài do, ồng Phan Văn Khải chơt neh lời wơl uă bơta kah kơlôi tàm nùs nhơm làng bol gùt lơgar, tàm hơ\ geh làng bol [òn dờng Hồ Chí Minh, là tiah mờ ồng geh deh mờ at ală gơnoar broă đơng lam dờng ngan rlau jơh [òn dờng:

Klo yal Thủ tướng Chính phủ lài do, ồng Phan Văn Khải chơt lơh ồng Nguyễn Trọng Xuất, Phó Kuang atbồ thường trực Mpồl bơhìan yau tam lơh [òn dờng Hồ Chí Minh ngoh rơngac ngan.

           Ồng Nguyễn Trọng Xuất, Phó Chủ tịch Câu lạc bộ truyền thống kháng chiến [òn dờng Hồ Chí Minh

Ồng Xuất kah wơl: Nam 1976, ồng mờ ồng Sáu Khải ndrờm geh sồr tus bal tàm Mpồl gơnoar cih pơrjum kuang ala mat Đảng bộ [òn dờng Hồ Chí Minh dơ\ 1.

Bơh broă lơh mờng chài, ồng Xuất mờ uă cau tus bal tam lơh rê wơl tu\ hơ\ neh sền go\, tàm ồng Phan Văn Khải, dùl nă cau geh geh bồ tơngoh lơh broă khoa học, geh mờng chài lơh broă uă, ngan là tàm broă bơt bơtàu rơndap broă lơh den jak ngan. Bulah bè hơ\, tàm nùs nhơm ồng Sáu Khải dê, kung gam cèng bè ờs bơta pơn rơ is tiah đah jum dà lơgar dê, là cau song dơpă, kis lơbơn niam…

Mờ bơta chài kơlôi sơnơng jơnau cribơyai jrô ơnàng, ồng Sáu Khải neh bal mờ Mpồl gơnoar cih tă pơ gồp uă ngan tàm broă cih gơs Nghị quyết pơrjum dơ\ sơn rờp bơh Đảng bộ [òn dờng Hồ Chí Minh dê, lơh gơs bơnàng jă ai bơta bơtàu tơnguh lơh sa - mpồl bơtiàn bơh [òn dờng lam lài gùt lơgar dê.

Jơnau kah kir niam ngan rlau jơh bơh ồng Nguyễn Trọng Xuất dê bè ồng Sáu Khải tu\ hơ\ là bơta pơn dềt să, sền ngềr oh mi, ờ geh tềl tơnggo\ lơi bè bơta pơn nhừ să bè mờng chài lơh broă ồng dê… Rlau 20 nam tơnơ\ tìp wơl tàm 1 dơ\ ồng Xuất lòt Hà Nội nàng pơrjum, Thủ tướng Phan Văn Khải tu\ hơ\ wă ồng kung gam mờ ală bơta kup tê kơ\ ngan, kung gam mờ sap `o\ niam ngan mờ ală jơnau yal jơh nùs ngan. Ală jơnau kir sơnrai hơ\ ờ tu\ lơi hui\ tàm nùs nhơm ồng Nguyễn Trọng Xuất dê:

“Jơnau kir sơnrai bol a` dê den gơ dềt lơm, mơya tu\ bi Khải at gơnoar broă là kuang đơng lam dà lơgar den bi neh brồ guh ală bơta pràn jak hơ\ dùl bă chài ngan. Bơta pràn jak hơ\ gơ jat bal mờ nùs nhơm bơh dùl nă cau ờ pơn nhừ să – jat a` den bơta hơ\ là kuơ màng ngan. Geh uă cau lơh kuang đơng lam bồ, mơya ờ hềt geh cau lơi bè bi Sáu Khải, den tàng jat a`, là jơnau sền sơwì bơh Đảng mờ dà lơgar dê gơ wèt mờ bi Sáu Khải pơn rơ ngan rlau jơh là Huân chương Sao Vàng là dipal ngan.”

Ồng Nguyễn Hồng Thắng, lài do là Kuang atbồ anih jơnau đơs Làng bol [òn dờng Hồ Chí Minh kah ngan rlau jơh ală jơnau kir sơnrai mờ Thủ tướng chính phủ lài do, ồng Phan Văn Khải tàm tơngai lơh broă Quốc hội kơnă 10, tu\ ồng tơlik mat te\ khà kuang bàng Quốc hội tàm [òn dờng Hồ Chí Minh.

               Ồng Nguyễn Hồng Thắng, atbồ anih pờ tơl^k jơnau đơs làng bol [òn dờng Hồ Chí Minh lài do

Ồng Thắng pà git, hơ\ là tàm pơgap gùl nam 1997, tu\ Thủ tướng Phan Văn Khải guh at gơnoar broă tơngai dơ\ sơn rờp. Ồng Thắng go\ Thủ tướng sùm lơh broă jơh pràn, sùm rềp mềr, song dơpă, kis niam mờ oh mi, ờ tam cah is gah broă lơh, gơnoar broă halà sơnam. Ồng bè cau bi tơnhua tàm hìu bơnhă, pah tu\ tìp, ồng sùm tàp tềng pơnì hơ\ sồng lùp đềt mềr ngan:“Pràn lah ờ taih?... Jat ồng Thắng, uă oh mi Kuang bàng Quốc hội [òn dờng Hồ Chí Minh tu\ hơ\ kung gam kah ngai tus hìu bi Sáu Khải dê sa ba` xèo bơh pơ ùr Sáu Khải dê lơh is, `ô mờ ơlak mbar me bơkàu rơmit tàm nùs nhơm ram mhu\ bơta kờ` gơboh. Ồng Nguyễn Hồng Thắng ngoh rơngac:

“A` go\ bi Sáu Khải là cau ờ hàm kờ` gơnoar broă, ờ hàm kờ` bơta kuơ. Ồng wèr ngan ală bơta do. Ală broă lơi di den ồng sền gàr. Ai cau lơi tìs den ồng kung rơle\ rơlùn bơto tơngkah ờ di lah pơr hơng, halà lơh pơn nhừ să tờm bè cau atbồ. Tu\ lơi bi kung lơ bơn niam. A` go\ bi geh ală tă pơ gồp dờng ngan ai broă lơh tam gơl pa dà lơgar he dê.”

Ồng Thắng kung đơs niam ală broă lơh tă pơ gồp tàm bơtàu tơnguh lơh sa dà lơgar bơh ồng Sáu Khải dê, ngan là broă Chính phủ yal mờ Quốc hội neh ring bal Adat Mpồl lơh sa kă bro tàm tơngai lơh broă sơn rờp bơh Thủ tướng dê; bal mờ hơ\ Chính phủ kung sang uă sră pơ àr ờ dipal neh dong chul chồl ai uă bơta pràn bơh dà lơgar dê.

                               Ồng Phạm Bá Lữ, Chủ tịch mpồl cau pơgru [òn dờng Hồ Chí Minh lài do

Đơs niam ală tă pơ gồp tàm gơnoar broă là cau atbồ Chính phủ, tàm bơtàu tơnguh lơh sa, rề ơnàng git gơp lơh broă mờ lơgar ndai…, ồng Phạm Bá Lữ, Kuang atbồ mpồl cau pơgru yau [òn dờng Hồ Chí Minh mờ uă kơnòm bơsram tiah đah jum dà lơgar lài do kung gam kah ngan bơta sền gròi, lùp còp, ală nùs nhơm rềp mềr, sùm kơlôi rơcang oh mi in jơh nùs ngan, cèng bơta pơn rơ is bơh tiah đah jum dà lơgar ồng Sáu Khải dê:

“Ală dơ\ pơrjum tìp mat ờs mờng bơh kơnòm bơsram tiah đah jum dà lơgar dê tàm ù tiah đah tô dà lơgar là tu\ lơi bi Sáu Khải bulah ờ ru mờ git nđờ rhiang, rbô broă lơh mơya kung gam lời tu\ tơngai nàng tus còp, lam sồr mờ gơnoar là bi tơnhua bơh kơnòm bơsram tiah đah jum dà lơgar dê. Den tàng, oh mi ki ngàm ngan bi Sáu Khải mờ kờ` bi Sáu Khải bè oh mi tờm pròc mhàm tàm hìu bơnhă.”

Ờ gơtùi yal jơh ală nùs nhơm sền ngềr, kờ` gơboh bơh kuang bàng, làng bol [òn dờng Hồ Chí Minh dê lời ai Thủ tướng lài do, ồng Phan Văn Khải in. Ồng sùm là cau jak chài ngan bơh ù tiah lòs Củ Chi, bơh tiah đah jum dà lơgar dê.

                                                       Cau cih mờ yal tơnggit K’Duẩn