VOV4.K’ho –  Phó Thủ tướng, ồng Vũ Đức Đam, Kuang atbồ Mpồl đơng lam dà lơgar rơcang sơndră kòp Covid-19 lơh broă mờ Mpồl lơh sơ nơm dunia (WHO) tàm lơgar Việt Nam bè broă rơcang sơndră kòp tàm lơgar Việt Nam. Tàm dơ\ lơh broă, Tiến sĩ Kidong Park, Kuang ala mat WHO tàm lơgar Việt Nam đơs niam ngan ală broă lơh mhar, geh cồng nha neh geh lam lơh tàm tơngai lài.

Phó Thủ tướng, ồng Vũ Đức Đam đơs nền, tềng đap bơta kòp Covid-19 tàm dunia gam gơlik geh kal ke, Việt Nam pal pơn jat tai broă lơh sền gròi nền nòn cau mut bơh lơgar ndai nàng gàr niam ờ do ờ dă, hơ\ sồng gơtùi lơh thòar tàm dơlam nàng gơtùi lam lơh jơnau kờ` dơ\ le\ là ờ mìng rơcang sơndră kòp, mờ gam gàr niam bơtàu tơnguh lơh sa mpồl bơtìan tai. Bulah bè hơ\, tơngai tus, 2, 3 nă cau jak chài dunia sồr pal sơlơ tơnguh ală broă lơh ngan sền gròi kòp bơ tờp jo\ tơngai bè: Tam gơl gơs broă lơh bè bơta bơ tờp bơh kòp dê; sền sơ wì mpồl lơh sơ nơm nàng jòi git bơta ờ niam, bơh hơ\ bơcri pria\ di tu\, gàr niam sùm rơcang sơndră kòp; kơryan kòp bơ tờp bơh đah bơdìh; sơlơ sền gròi ală mpồl geh jơnau pơhìn ua\.

Cau mblàng K’Duẩn