VOV4.K’ho- Mho ngai 10/6, tàm hìu lơh broă Quốc hội neh bơyai lơh pơrjum băo yal Nghị quyết bơh Mpồl duh broă tĕ khà dà lơgar dê bè cồng nha tĕ khà mờ mat ală cau gơ kờn Kuang bàng Quốc hội khoá 15. Jat hơ̆, 499 nă cau gơ kờn Kuang bàng Quốc hội khóa 15.

Đơs tàm dơ̆ sơnđờm mut pơrjum, ồng Trần Thanh Mẫn - Ủy viên Bộ Chính trị, Phó Chủ tịch Thường trực Quốc hội, Phó Chủ tịch Thường trực Mpồl duh broă tĕ khà dà lơgar đơs ngan, dơ̆ tĕ khà bơyai lơh tàm nùs nhơm chờ hờp, làng bol lơh tờm, ring bal, di adat boh lam, ờdo ờdă ngan, geh cồng nha niam bơnĕ ngan, ngan ngồn là ngai chờ dờng bơh gùt làng bol dê mờ 99,6% kờp jơh khà cau tĕ khà lòt tĕ khà. Ồng Bùi Văn Cường – Tổng Thư ký Quốc hội, Chánh Văn phòng Mpồl duh broă tĕ khà dà lơgar pà gĭt, dơ̆ tĕ khà neh pồ tơl khà 500 nă Kuang bàng Quốc hội. Mơya, bơh tàm tŭ sền sơwì sền gĭt broă lơh cau gơ kờn dê, Mpồl duh broă tĕ khà dà lơgar tàm pơrjum dơ̆ 6 lơh nền ờ dờp broă lơh Kuang bàng tài bơh ờ tơl bơta niam jat jơnau sồr gơwèt mờ dùl nă cau, tàm mpồl tĕ khà sồ 1 tàm càr Bình Dương.

Cau mblàng K’Hạnh