VOV4.K’ho - 76 broă lơh, gùng dà broă lơh geh pơnrơ neh geh pơn jờng tàm Sră biàng Bơceh lơh Việt Nam nam 2021. Dơ̆ pơrjum yal geh bơyai lơh tàm mho ngai 25 nhai 11, tàm Hà Nội, geh Ủy ban Mặt trận Dà lơgar Việt Nam pơgồp bal mờ Bộ Khoa học mờ Công nghệ mờ Mpồl tam klăc ală Mpồl Khoa học mờ Kỹ thuật Việt Nam bơyai lơh.

76 broă lơh, gùng dà broă lơh geh pơnrơ, pơn jờng tàm Sră biàng Bơceh lơh Việt Nam nam do geh rơwah bơh 151 broă lơh, gùng dà bơceh lơh khoa học-công nghệ geh ală bộ, gah lơh broă dà lơgar, ală càr, ƀòn dờng yal. Pal kah ngan là Sră biàng Bơceh lơh Việt Nam nam 2021 neh pơn jờng 06 broă bơceh lơh khoa học geh pơnrơ gơwèt gah mpồl bơtiàn-kòn bơnus niam. Kuơ màng, tàm khà ală broă lơh geh pơn jờng do, geh ală broă bơceh lơh geh bơh ală cau lơh broă sa nàng chồl pràn cồng nha broă lơh, bơta niam, cồng nha niam, pơgồp bal tàm broă tơnguh bơtàu broă lơh sa mpồl bơtiàn, gàr niam bơta lơngăp lơngai dà lơgar, sền gàr tiah kis sinh thái.

Cau mblàng Ndong Brawl