VOV4.K’ho - Mpồl duh broă tĕ khà dà lơgar neh tơlĭk kơrnoăt yal khà măt 868 nă cau tơlĭk măt tĕ khà kuang bàng Quốc hội khoă 15 tàm 184 mpồl tĕ khà tàm gùt lơgar nàng tĕ khà 500 nă kuang bàng Quốc hội.

Ồng Bùi Văn Cường, Tổng Thư ký, Chủ nhiệm anih lơh broă Quốc hội, Kuang atbồ anih lơh broă mpồl duh brolă tĕ khà Dà lơgar pà gĭt: Tàm khà măt mùl màl 868 nă cau tơlĭk măt tĕ khà kuang bàng Quốc hội khoă 15 jăt tơl mpồl tĕ khà, khà cau tơlĭk măt tĕ khà geh Dà lơgar yal là 203 nă; ală càr, ƀòn dờng geh 665 nă. Bè broă ai geh pơgồp bal bơh gùt lơgar dê, cau tơlĭk măt tĕ khà là cau ùr là 393 nă; cau tơlĭk măt tĕ khà là cau kòn cau là 185 nă; cau tơlĭk măt tĕ khà là cau bơdìh Đảng là 74 nă. Cau tơlĭk măt tĕ khà là kuang bàng Quốc hội khoă 14 geh tơlĭk măt pồ tai là 205 nă; cau tơlĭk măt tĕ khà là cau kokơnòm să (hờ đơm 40 sơnam) là 224 nă. Sơnam bơh cau tơlĭk măt tĕ khà kuang bàng Quốc hội jăt kờp dŭ pơn drờm bal là 46 sơnam.

Cau mblàng Ndong Brawl