VOV4.K’ho- Mho ngai 07/5, tàm Tỉnh ủy Dak Lak, mò Trương Thị Mai, Ủy viên Bộ Chính trị, Bí thư Đảng dà lơgar, Kuang atbồ Mpồl bơyai broă dà lơgar neh đơng lam pơrjum lơh jat kơrnoăt bơh Bộ Chính trị dê bè broă Kuang bàng.

Mò Trương Thị Mai jàu Quyết định, pà bơkao gờm chờ Bí thư Tỉnh ủy pa càr Dak Lak dê là ồng Nguyễn Đình Trung

Ồng Nguyễn Đình Trung, Ủy viên Đảng dà lơgar, Bí thư Dak Lak đơs tàm dơ̆ dờp kơnòl broă

Tàm pơrjum, ồng  Nguyễn Thanh Bình, Ủy viên Đảng dà lơgar, Phó Kuang atbồ Ban thường trực Mpồl bơyai broă Đảng dà lơgar dê neh yal kơrnoăt sồ 84/2021 bơh Bộ Chính trị dê bè broă trờn, jàu ồng  Nguyễn Đình Trung, Ủy viên Đảng dà lơgar, Phó bí thư Tỉnh uỷ, Chủ tịch UBND càr Dak Nông tơn jơh at gơnoar broă Phó Bí thư Tỉnh uỷ, Chủ tịch Uỷ ban Nhân dân càr Dak Nông nàng tus bal tàm Ban Chấp hành, Ban Thường vụ mờ at gơnoar broă Bí thư Tỉnh ủy Dak Lak tơngai lơh broă bơh nam 2020-2025.

Đơs tàm dơ̆ pơrjum, mò Trương Thị Mai pà gĭt, ồng  Nguyễn Đình Trung là Kuang bàng đơng lam bồ kơnòm să geh bơto bơtê ngan ngồn, geh bơsram tàp bơh uă gơnoar broă krơi is, bơh 24 nam lơh broă sùm tàm ù tiah càr tàm tiah Tây Nguyên dê. Den tàng bè hơ̆ mờ gơnoar broă pa, ồng Nguyễn Đình Trung geh pơn jat tai lơh jat niam gơnoar broă, bơta jak chài bơh he dê nàng pơgồp bơnah bơt bơtàu càr Dak Lak bơtàu tơnguh mhar mờ kơ̆ kơl jap.

Cau mblàng K’Hạnh