VOV4.K’ho- Drim ngai 2/7, tàm Hà Nội, Văn phòng Chủ tịch lơgar bơyai lơh pơrjum băo yal kơrnoăt bè toh glài tơngklàs jàm nam 2021 bơh Chủ tịch lơgar Cộng hòa xã hội chủ nghĩa Việt Nam dê. Chủ nhiệm Văn phòng Chủ tịch lơgar ồng Lê Khánh Hải đơng lam pơrjum.

Jat kơrnoăt bơh Chủ tịch lơgar dê, tơngai nàng lơh jat broă lơh glài kŭp jàm nàng sền sơwì toh glài tơngklà jàm kờp tus ngai 31/8/2021. Ală cau geh toh glài tơngklàs jàm tàm hơ̆ geh: cau gam lơh jat broă lơh glài ơm jàm geh tŭ tơngai, cau gơtìp lơh glài ơm jàm jơh rài neh geh tơrmù tus ai ơm jàm geh tŭ tơngai, cau gam geh ơm ing lơh jat lơh glài ơm jàm. Bè hơ̆, do là dơ̆ sơnrờp kờp bơh tŭ Adat toh glài tơngklàs jàm geh tàm gơl tàm nam 2018, Chủ tịch lơgar geh kơrnoat toh glài tơngklàs jàm nàng kờñ lơh jat broă lơh dong kờl bal, kờñ gơboh kòn bơnus bơh Đảng, Dà lơgar mờ bơhiàn kờñ gơboh kòn bơnus bơh jơi bơtiàn dê gơwèt mờ cau lơh tìs kong mờ broă lơh glài ơm jàm, pơn jờng khi lơh ngan bơsram, bơsram tàp jak nàng gơs cau geh kuơ ai mpồl bơtiàn in.

Cau mblàng K’Hạnh