VOV4.K’ho- Mho mang ngai 25/8, tàm Hìu lơh broă Chính phủ, Thủ tướng Phạm Minh Chính tus bal pơrjum bè broă lơh rơcang sơndră kòp Covid-19 mờ yal Kơrnuat bè pồ tơl Mpồl đơng lam rơcang sơndră kòp Covid-19. Jat kơrnuat sồ 1438 bơh Thủ tướng Chính phủ dê, Thủ tướng Phạm Minh Chính lơh Kuang atbồ Mpồl đơng lam do. Mpồl đơng lam do mờ ală kơnòl, gơnoar broă là: Bơt bơtàu broă rơndap lơh, ai tơlik ală kơnòl, broă lơh nàng đơng lam lơh jat jơh nùs, kràñ cê, di tŭ, geh cồng nha broă lơh rơcang sơndră kòp Covid-19.

Đơs tàm pơrjum, Thủ tướng Phạm Minh Chính sồr ală Kuang geh jơng tàm Mpồl đơng lam sơn đờm lam lơh kơnòl broă mơ, mờ nùs nhơm geh kơnòl uă ngan rlau jơh bal mờ làng bol pơgồp bơnah kơryan kòp bơtờp. Thủ tướng đơs loh, tàm broă sơndră kòp, broă pơgồp bal ală mpồl lơh broă pal niam mờ geh cồng nha; ală bộ, gah broă lơh, mpồl lơh broă dong kờl tàm dà lơgar ờ lơh ala kơnòl broă, gơnoar broă bơh kấp hơđơm dê mờ mìng dong kờl ală bơta lơi mờ kấp hơđơm ờ gơtùi lơh, mờ kung sơlơ sền gròi, sền sơ wì broă lơh sơndră kòp.

Cau mblàng K’Duẩn