VOV4.K’ho- Drim ngai 31/8, tàm Hà Nội, Cơldŭ lơh broă Chủ tịch lơgar bơyai lơh pơrjum bău yal Kơrnuat toh glài nam 2021 bơh Chủ tịch lơgar dê ai ală cau jàm gam lơh jat kơrnuat lơh glài kup jàm mờ ală cau jàm gam geh ơm ing, tơn lời ing lơh jat kơrnuat lơh glài kup jàm geh bơta pal jat geh toh glài jat jơnau cih bơh adat boh lam dê. Nam do, Chủ tịch lơgar neh kĭ kơrnuat toh glài ai 3 rbô 26 nă cau jàm gam lơh jat kơrnuat lơh glài kup jàm mờ 3 nă cau gam ơm ing broă lơh jat kơrnuat lơh glài kup jàm, 6 nă cau gam geh lời ing lơh jat kơrnuat lơh glài kup jàm, geh tơl bơta nàng geh toh glài nam 2021.

Đơs mờ yal kơrnuat toh glài nam 2021, ồng Phạm Thanh Hà, Phó Kuang atbồ Cơldŭ lơh broă Chủ tịch lơgar pà git, tàm tŭ sền sơ wì toh glài ndrờm pal lơh jat ală kơrnuat ngan ngồn, hơ̆ là pal gàr bơta song dơpă, nền nòn, loh làng, ring bal jơnau đơs, di cau mờ di bơta geh ngan geh cih nàng jơh ală cau jàm geh tơl bơta geh sền sơ wì mờ ờ lời khat dùl nă cau jàm lơi ờ geh tơl bơta jat jơnau cih mờ geh sền sơ wì toh glài wơl.

Cau mblàng K’Duẩn