VOV4.K’ho - Tàm hìu lơh broă Đảng dà lơgar, Tổng Bí thư ồng Nguyễn Phú Trọng neh đơng lam dơ̆ yal kơrnoăt bơh Bộ Chính trị pồ Kuang atbồ Mpồl bơyai broă Dà lơgar mờ Kuang atbồ ban Dân vận dà lơgar.

Jăt mờ hơ̆, Bộ Chính trị pồ mò Trương Thị Mai, Ủy viên Bộ Chính trị at gơnoar broă Kuang atbồ Mpồl bơyai broă Dà lơgar; pồ mò Bùi Thị Minh Hoài, Bí thư Đảng dà lơgar, at gơnoar broă Kuang atbồ ban Dân vận dà lơgar. Tổng Bí thư ồng Nguyễn Phú Trọng neh jào kơrnoăt mờ pà bơkào chờ gờm 2 nă mò Trương Thị Mai mờ Bùi Thị Minh Hoài dờp at kơnòl kuơ màng Đảng dê.

Ala măt ală kuang bàng dờp at kơnòl, Ủy viên Bộ Chính trị, kuang atbồ Mpồl bơyai broă Dà lơgar mò Trương Thị Mai đơs, kuơ ngài Tổng Bí thư ồng Nguyễn Phú Trọng, ưn ngài Bộ Chính trị, Ban Bí thư neh pin dờn pồ ai kơnòl kuơ màng Đảng dê ai ală kuang bàng tàm tơngai lơh broă pa.

Cau mblàng Ndong Brawl