VOV4.K’ho- Mho ngai 30/6, tàm Anih tờm pờ tơlik jơnau đơs dà lơgar, sồ 58 gùng Quán Sứ, ƀòn dờng Hà Nội, Anih jơnau đơs Việt Nam bơyai lơh yal mờ jàu Kơrnuat bơh Thủ tướng Chính phủ dê tơn pồ Kuang atbồ dờng Anih jơnau đơs Việt Nam. Tàm dơ̆ bơyai lơh, ala mat Thủ tướng Chính phủ, Ủy viên Bộ Chính trị, Phó Thủ tướng ồng Phạm Bình Minh neh jàu Kơrnuat bơh Thủ tướng Chính phủ dê tơn pồ Kuang atbồ dờng Anih jơnau đơs Việt Nam ai ồng Đỗ Tiến Sỹ in.

Phó Thủ tướng Phạm Bình Minh jàu kơrnuat tơn pồ Kuang atbồ dờng Anih jơnau đơs Việt Nam ai ồng Đỗ Tiến Sỹ in

Jơh nùs cih dờp ală jơnau đơng lam kuơmàng mờ jàu kơnòl broă bơh Phó Thủ tướng Phạm Bình Minh dê, Kuang atbồ dờng Anih jơnau đơs Việt Nam ồng Đỗ Tiến Sỹ pà git, tơngai tus, Anih jơnau đơs Việt Nam geh lơh ngan bơtàu tơnguh bè công nghệ, chồl pràn broă ngui kỹ thuật pa, kơlôi sơnơng, ngui công nghệ pa tàm broă lơh gơlik ală jơnau đơs pờ tơlik jơnau đơs, sơñio rùp; sùm đal git mờ lơh jat ală kơrnuat kuơmàng bơh broă lơh ƀău dê là gàr jơnau tơnggit di, ngan ngồn, sơbac mhar, geh bơta sền sơ wì ngan ngồn; đơs nền gơnoar broă là dùl tàm ală mpồl mblàng jơnau, sră ƀău khà dùl bơh Đảng, dà lơgar dê tàm broă tề lam ai tơlik lài broă yal tơnggit, đal git lài bơta sền gròi mpồl bơtiàn dê.

Cau mblàng K’Duẩn