VOV4.K’ho - Drim òr (07/04), Thủ tướng ồng Phạm Minh Chính neh yal Quốc hội in kĭ broă tơn jơh at gơnoar broă dùl Phó Thủ tướng Chính phủ, ờ uă Bộ trưởng mờ kuang bàng ndai tàm Chính phủ.

                                                                     Phó Thủ tuớng ồng Trịnh Đình Dũng

Jăt mờ hơ̆, Quốc hội sền wơl kĭ tơn jơh at gơnoar broă Phó Thủ tướng bơh ồng Trịnh Đình Dũng, ờ uă Bộ trưởng mờ Kuang atbồ anih lơh broă ndrờm mờ Bộ. Tơn pồ ờ uă kuang bàng tàm Chính phủ tơngai Quốc hội lơh broă khoă 14 geh 27 nă kuang bàng, tàm hơ̆ geh: Thủ tướng Chính phủ, 5 Phó Thủ tướng mờ 21 nă Bộ trưởng, Kuang atbồ anih lơh broă ndrờm mờ Bộ.

Tàm pơrjum dờng kuang bàng gùt lơgar dơ̆ 13 Đảng dê pa do, geh 9 nă kuang bàng tàm Chính phủ ờ mŭt bal mờ Đảng dà lơgar khoă 13, tàm hơ̆ geh 8 nă kuang bàng ờ geh tơlĭk măt pồ tĕ khà tài jơh sơnam lơh broă. Tơnơ̆ mờ tŭ ală kuang bàng Quốc hội cri bơyai tàm mpồl bè tơngu me do, Quốc hội geh bơyai sền sơwì ring bal tơn jơh at gơnoar broă Phó Thủ tướng Chính phủ gơwèt mờ ồng Trịnh Đình Dũng mờ ờ uă Bộ trưởng mờ kuang bàng ndai tàm Chính phủ mờ broă đùh sră ndơ̆p.

Tơnơ̆ mờ hơ̆, Thủ tướng Chính phủ yal khà măt nàng Quốc hội kĭ broă tơn pồ kuang bàng ala ală kuang bàng pa yal do.

Cau mblàng Ndong Brawl