VOV4.K’ho- Rơndap ù tiah jơh ală bơta bơtàu tơnguh ală anih ơhò ơm tàm dà lềng lơgar Việt Nam dê tơngai bơh nam 2021 tus nam 2030 mờ broă wèt sền tus nam 2050 pa geh Bộ Giao thông Vận tải yal tàm mho ngai 07/10.

Do là Rơndap ù tiah neh geh Thủ tướng Chính phủ ring bal tàm ngai 22/9/2021, geh kuơ dờng màng ngan ai bơtàu tơnguh lơh sa- mpồl bơtiàn in. Rơndap ù tiah jơh ală bơta bơtàu tơnguh ală anih ơhò ơm tàm dà lềng neh đal git anih ơhò ơm tàm dà lềng là dùl gah kuơmàng bơh rơndap tap sèng phan bơna gùng dà lềng, rơndap tap sèng phan bơna lơh sa- mpồl bơtiàn dê, là dùl tàm 3 broă tam gơl kuơmàng jat Nghị quyết pơrjum dờng dơ̆ 13 bơh Đảng dê, pal bơcri priă lài dùl bă ring bal mờ pa ngan. Bơta pràn ai bơtàu tơnguh anih ơhò ơm tàm dà lềng in tơngai do uă ngan geh hòi jà bơta bơcri priă bơdìh mờ kes priă dà lơgar geh tus 95% tàm khà kờp jơh 313 rbô tơmàn đông jơnau kờñ priă bơcri lơh anih ơhò ơm tàm dà lềng.

Cau mblàng K’Duẩn