VOV4.K’ho- Jơnau yal bơh Công ty Ồs đèng Dăk Lăk dê pà gĭt, tơngai rềp ndo, Anih tờm Sền gròi cau năc ngui đèng bơh Tổng Công ty Ồs đèng tiah tàm gùl lơgar dê dờp geh 9 dơ̆ hòi điện thoại bơh năc ngui đèng dê yal bè broă gơtìp lùp dồs priă đèng bơh ală sồ điện thoại ăt tê.

Tàm Dăk Lăk, neh geh cau hòi điện thoại sồr tơm priă tus 50 tơlak đong, bal mờ jơnau đơs là tài bơh đèng gơ tŭp tơnơ̆ công tơ, pơhìn dilah ờ tơm priă den geh koh đèng. Bơh lùp sền, do ndrờm là ală dơ̆ hòi đơs pơrlồm là cau lơh broă gah ồs đèng nàng pơrlồm. Gah lơh ồs đèng bơto sồr cau ngui đèng pal kơrhia ngan, rơcăng ngăc ngan, pleh lời gơtìp ală cau pơrlồm. Dilah geh ală dơ̆ hòi điện thoại, năc ngui đèng pal hòi tơn tus sồ tổng đài 19001909 nàng bơsong di tŭ.

Năc ngui đèng dờp jơnau yal bơh ală gah ngan ngồn dê, bè SMS, email, website bơh gah ồs đèng dê, tổng đài 19001909 mờ ờ gŏ di tơm priă đèng ai cau krơi in halà pơyua priă đèng tŭ ờ hềt lùp git ngan ngồn jơnau yal.

Cau mblàng Lơ Mu K’Yến