VOV4.M’nông – Ôi 2/6, ta Hà Nội, Hội đồng Chung khảo giải Báo chí Quốc gia rơh tal 15 năm 2020 ntơm ƀư rwăch chấm chung khảo ăp tác phẩm báo chí. Râng Giải năm aơ 114 ntŭk kan gưl hội n’hanh 190 cộng tác viên, râng 11 ntil giải tĭng nău ntrŭnh. Đah 1 rbăn 823 tác phẩm dơi râng tâm rlong. Aơ lah năm geh rnoh tác phẩm râng tâm rlong âk ngăn bah sa ơm tât aƀaơ. Tâm 2 nar nar 2 n’hanh 3/6, Hội đồng Chung khảo giải Báo chí Quốc gia mbra săch bah 151 tác phẩm uĕh ngăn gay an nkhôm. Tĭng wa Thuận Hữu, Kruanh Hội Nhà báo Việt Nam, nkô̆ nău ăp tác phẩm râng tâm rlong năm aơ lĕ tĭng nkô̆ nău têh bah wăng sa, chính trị, văn hóa, rêh jêng. Lơn lah, lah ăp nău khlay Đại hội Đảng ăp gưl, Đại hội 13 bah Đảng, trong kan njrăng n’gang srê Covid-19; Nău rchăng n’gang sa khâm, mpŭng lĭr, dơi lah tay du trong jru hvi, ngăch. Âk tác phẩm geh saơ, uănh lah uĕh, săk rnglăy nău rêh kon nuĭh uĕh, geh nău lư têh, dơi ngih pah kan dơi kan djăt, uănh lah tay, mkra tay.

Nŭih rblang: Y Sưng Phê Ja