VOV4.M’nông: Geh đê̆ ngăn 155 rkeh nŭih tâm lam ntur neh hŏ rdâng đah nau roh đăp mpăn ndơ sa khuch ngăn tâm năm 2020. Rnoh aơ nchrăp hao nklăp 20 rkeh rđil du năm bah năp nê. Nau kan aơ jêng nau khuch hô tâm rơh tât. Rnoh geh nkah aơ geh liên minh lam ntur neh tâm nê geh Bôk nau kan ndơ sa lam ntur neh ndrel ntŭk kan Tuch tăm ndơ sa nkah tâm nau mbơh lam ntur neh mpeh nau mô tŏng ndơ sa tâm năm 2021 mhe geh mbơh. Tĭng nau mbơh, rlau 103 rkeh nŭih, tâm ban 66% rnoh nŭih tâm 10 dak dôl rdâng đah nau mô tŏng ndơ sa, ma tâm ăp ntŭk tât aơ nkô̆ nê lah roh nau tŏng ndơ sa dôl ma geh hao âk. Rnoh rgâl mhe trôk nar ndrel ăp nau tât mpeh nau văng sa ngăn lah geh tă bah srê Covid-19 kŏ lah nkô̆ ƀư jêng nau tât aơ./.

Nŭih rblang: H’Thi