VOV4.M’nông – Srê Covid-19 lĕ ƀư khuch tât ngăch rƀŭn nchră Kruanh tâm rnglăp nchră nău Rmôt ăp dak công nghiệp hun hao bôk năp lam ntŭr neh (G7) ƀư tâm 3 nar ta thủ đô Luôn Đôn, Anh. Kruanh tâm rnglăp nchră nău n’hanh lĕ rngôch mpôl ntoh măt Ấn Độ râng rƀŭn nchră lĕ đă nkhah êng, jêh rnôk 2 nuĭh tâm rmôt ntưp đah Covid-19. Gay dêr ƀư khuch tât ăp mpôl ntoh măt êng, ăp nuĭh ntoh măt Ấn Độ mbra râng nău khlay tă bah ứng dụng Zoom-Du ứng dụng rƀŭn n’hanh nti trực tuyến. Anh aƀaơ dôl ƀư Kruanh tâm pleh G7, geh ăp dak Mỹ, Pháp, Đức, Canađa, Nhật Bản n’hanh Italia. Rƀŭn nchră kruanh tâm rnglăp nchră G7 rơh aơ ta Anh lah rơh rƀŭn trực tuyến bôk năp bah rmôt aơ tâm 2 năm bah năp n’hanh lah gay nchrăp an Rƀŭn nchră Gưl prêh G7, nchrăp ƀư ta Tây Nam dak Anh tâm khay tât.

Nŭih rblang: Y Sưng Phê Ja