Aơ lah nkô̆ dơi tâm ban ŭch ta Đại hội đại biểu lor bôk năp bah Hội. Tâm năm kan mhe aơ, ăp gưl Hội Chữ thập đỏ bah bar n’gor Dak Lak n’hanh Phú Yên lor rnôk n’glăp dơn ngoăy hŏ an ƀư âk nău kan kơl nuĭh đah rnoh khlay rlău 403 rmen prăk, ntop kơl rlău 1,3 rkeh tơ̆ nuĭh; âk trong leo ƀư kơt Tết rŏng nuĭh, khay kơl nuĭh, yur êng mham, njrăng n’gang trôk nar lơh rlău rnoh tât kan. Rđău đă Đại hội, wa Nguyễn Thiên Văn, Groi kruanh UBND n’gor Dak Lak dăn đă Hội Chữ thập đỏ n’gor rgâl mhe tay trong kan tĭng trong rƀŏng ngăn ngăn, way blău kan, ntrôl ngăch rgâl mbrô, n’hao nău dơi tam rgum, mât dŏng tơm ndơ n’hanh ntik n’hao nău khlay n’gâng tơm tâm nău kan kơl nuĭh.