VOV4.M'nông: Nthoi tay rơh ôp n'hanh ơh nău ôp, ôi aơ (11/11), Bộ trưởng Bộ Lao động - Thương binh n'hanh Xã hội Đào Ngọc Dung ơh tay nău ôp đah rmôt nkô̆ nău mpeh trong kan lao động, thương binh n'hanh xã hội. Lôch nê, Bộ trưởng Bộ Giáo dục n'hanh Đào tạo Nguyễn Kim Sơn n'hanh Bộ trưởng Bộ Kế hoạch n'hanh Đầu tư Nguyễn Chí Dũng ơh nău ôp mpeh rmôt nkô̆ nău mpeh trong ntĭm n'hanh nti n'hanh trong nchrăp n'hanh ntuh kơl. Tâm rơh ôp kêng măng ntri, Bộ trưởng Bộ Lao động Thương binh n'hanh Xã hội hŏ rgum ƀư kloh ăp trong nkra mât chăm kon se kon đơi bah kơi nuh srê. Lôch nău ơh bah Bộ trưởng Đào Ngọc Dung, ôi aơ, Quốc hội  ôp tay đah rmôt nkô̆ nău tâl pe mpeh trong kan ntĭm n'hanh nti. Tâm kêng măng aơ, Quốc hội  ôp tay mpeh rmôt nkô̆ nău tâl puăn mpeh trong nchrăp n'hanh ntuh kơl, rgum tâm ăp trong nkra rdâk hao tay n'hanh hun hao wăng sa tâm rnôk nô nău  mhe; ăp trong nkra ntop kơl, droh rklaih jêr jŏt an doanh nghiệp, hợp tác xã, rnăk tăch rgâl gay dâk hao tay ƀư njêng, tăch rgâl./.

Nuĭh rblang: Điểu Thân